ସେପ୍ଟେମ୍ବର ୨୭ରେ ସ୍ୱତନ୍ତ୍ର OTET ପରୀକ୍ଷା, ଦ୍ବନ୍ଦ୍ବରେ ଶିକ୍ଷକ

ଭୁବନେଶ୍ୱର : ଦ୍ବନ୍ଦ୍ବରେ ଶିକ୍ଷକ। ସ୍ଵତନ୍ତ୍ର ଓଟିଇଟି ପରୀକ୍ଷା ଦିନ ଶିକ୍ଷକମାନେ ସ୍କୁଲରେ ରହିବେ ନାଁ ପରୀକ୍ଷା ଦେବାକୁ ଯିବେ । ସେପ୍ଟେମ୍ବର ୨୭ରେ ସ୍ୱତନ୍ତ୍ର OTET ପରୀକ୍ଷା । ପ୍ରଶ୍ନପତ୍ର ଲିକ ଓ ବୋର୍ଡରେ ଅଧିକାରୀ ନଥିବାରୁ ବାରମ୍ବାର ପରୀକ୍ଷା ତାରିଖରେ ପରିବର୍ତ୍ତନ ହୋଇଛି ।  ଏଥର ୨୭କୁ ପରୀକ୍ଷା ତାରିଖ ଭାବେ ନିର୍ଧାରଣ କରାଯାଇଛି । ତାହା ଶନିବାର ଓ କାର୍ଯ୍ୟ ଦିବସ ।

ସେ ଦିନ ଶିକ୍ଷକ ସ୍କୁଲ ଯାଇ ପାଠ ପଢ଼ାଇବେ ନା ପରୀକ୍ଷା ଦେବାକୁ ଯିବେ, ସେ ନେଇ ଦ୍ୱନ୍ଦ୍ୱରେ ପଡିଛନ୍ତି। ୭୫ ହଜାର ପ୍ରାଥମିକ ଶିକ୍ଷକ ଏହି ପରୀକ୍ଷା ଦେବେ। ଯେଉଁ ସ୍କୁଲରେ ସବୁ ଶିକ୍ଷକ ପରୀକ୍ଷା ଦେବେ, ସେଦିନ ସ୍କୁଲ ଖାଲି ହୋଇଯିବ। କେଉଁ ପରିସ୍ଥିତିରେ ସରକାର କାର୍ଯ୍ୟ ଦିବସରେ ପରୀକ୍ଷା କରିବାକୁ ନିଷ୍ପତ୍ତି ନେଇଛନ୍ତି, ତାକୁ ନେଇ ଶିକ୍ଷକ ପ୍ରଶ୍ନ କରିଛନ୍ତି। ସେପ୍ଟେମ୍ବର ୨୭ ବଦଳରେ ୨୮ ତାରିଖ ରବିବାର ପରୀକ୍ଷା କରିବାକୁ ପ୍ରାଥମିକ ଶିକ୍ଷକ ସଙ୍ଘ ଦାବି କରିଛି।