ଆପଣ ବି ଏହି ଖାଦ୍ୟଗୁଡିକରେ ପକାଉଛନ୍ତି କି ଲୁଣ ? ହୋଇଯାଆନ୍ତୁ ସାବଧାନ
କଥାରେ ଅଛି , ପେଟ ଶାନ୍ତି ଥିଲେ ସବୁ ଶାନ୍ତି , ଅର୍ଥାତ୍ ଖାଇବାଟା ଯଦି ଠିକଠାକ୍ ହୋଇଗଲା ଦିନଟା ବି ପାଖାପାଖି ଭଲରେ କଟିଯାଏ । ଖାଦ୍ୟରେ ଯେତେ ତେଲ , ମସଲା କଷିଲେ ବି ଯଦି ଲୁଣ ସଠିକ୍ ମାତ୍ରାରେ ନ ପଡ଼ିଥିବ ଯାଃ ପାଟିକୁ ଆଉ କ’ଣ ରୁଚିବ । କିଛି ଲୋକ ତ ଲୁଣ ଖାଇବାକୁ ଏତେ ଭଲ ପାଆନ୍ତି ଯେ ଖାଇବା ପାଖରେ ଲୁଣ ଡବା ଧରି ବସିବାକୁ ମଧ୍ୟ ଭୁଲନ୍ତି ନାହିଁ ।
ଆଉ କିଛି ଖାଇବା ଥାଳିରେ ପ୍ରତିଦିନ ଲୁଣ , ଲଙ୍କାକୁ ଚକଟା କରି ଖାଇଥାନ୍ତି । ବଜାରରେ ବି ସଲ୍ଟି ଫ୍ଲେବରର ଅନେକ ବ୍ରାଣ୍ଡର ଚିପ୍ସ ମିଳୁଛି । ଏହି ଚିପ୍ସ ପ୍ୟାକେଟ୍ ଭିତରକୁ ଭଲରେ ଲକ୍ଷ୍ୟ କଲେ ଦେଖିବେ ଯେ ଏଥିରେ ଚିପ୍ସ କମ୍ କିନ୍ତୁ ଲୁଣ ଅଧିକ । ଗ୍ରାହକ ମଧ୍ୟ ଏହି ଲୁଣଯୁକ୍ତ ଚିପ୍ସକୁ ଖାଇବାକୁ ଭାରି ପସନ୍ଦ କରନ୍ତି । କିନ୍ତୁ ପାଟିକୁ ସୁଆଦିଆ ଲାଗୁଥିବା ଏହି ଲୁଣଯୁକ୍ତ ଖାଦ୍ୟ ଶରୀର ପାଇଁ କେତେ କ୍ଷତିକାରକ ଜାଣିଛନ୍ତି କି ?
ଲୁଣରେ ଥିବା ସୋଡିୟମ୍ ଶରୀର ପାଇଁ ଜରୁରୀ କିନ୍ତୁ ଅତ୍ୟଧିକ ଲୁଣ ଯଦି ଖାଉଛନ୍ତି ଏହାର ସାଇଡ୍ ଇଫେକ୍ଟକୁ ଭୋଗିବାକୁ ବି ପ୍ରସ୍ତୁତ ରୁହନ୍ତୁ । ସ୍ବାସ୍ଥ୍ୟ ବିଶେଷଜ୍ଞ ଲୁଣ ଅଧିକ ଖାଇବାକୁ ବାରଣ କରନ୍ତି । ଏପରି ଅନେକ ଜିନିଷ ଅଛି ଯାହାକୁ ଲୁଣ ସହିତ ଖାଇଲେ, ତାହା ଶରୀର ପାଇଁ ବିଷାକ୍ତ ହୋଇଯାଏ । ତେବେ ଏଥି ସହ ଆପଣମାନେ ଆଜି କିଛି ନୂଆ ଜିନିଷ ବିଷୟରେ ଜାଣି ରଖନ୍ତୁ ଯେ କେଉଁ ଜିନିଷକୁ ଖାଇବାବେଳେ ସେଥିଲେ ଲୁଣ ପକାଯାଏ ନାହିଁ । ଯଦି ଏକଥା ନମାନି ଆପଣ ସେହି ଖାଦ୍ୟରେ ଲୁଣ ଖାଉଛନ୍ତି, ତେବେ ଆପଣ ଅନେକ କ୍ଷତି ସହିପାରନ୍ତି । ଏହି ଖାଦ୍ୟଗୁଡିକର ନାମ କ’ଣ ଆପଣମାନେ ଜାଣିଛନ୍ତି କି ? ତେବେ ଆସନ୍ତୁ ଜାଣବା ଏହି ଖାଦ୍ୟ ଗୁଡିକର ନାମ ।
୧. ଦହି : ଅଧିକାଂଶ ଲୋକ ଦହି ଖାଇବାକୁ ବହୁତ ପସନ୍ଦ କରିଥାନ୍ତି । ଏଥି ସହ ବର୍ତ୍ତମାନ ଲୋକମାନେ ଦହି ପଖାଳ ମଧ୍ୟ ଖାଉଛନ୍ତି, ଯେଉଁଥିରେ କି ଲୁଣ ମଧ୍ୟ ପକାଇ ଖାଉଛନ୍ତି । ଜାଣିଛନ୍ତି କି ଏହା ଶରୀର ପାଇଁ କେତେ କ୍ଷତିକାରକ । ଯଦି ଆପଣ ଦହିରେ ଲୁଣ ମିଶାଇ ଖାଉଛନ୍ତି ତେବେ ଆପଣଙ୍କର କେଶ ଛଡିବା ସମସ୍ୟା ଦେଖାଦେବ ଏବଂ ଚର୍ମ ସମ୍ବନ୍ଧୀୟ ସମସ୍ୟା ମଧ୍ୟ ହୋଇପାରେ ।
୨. ଫଳ : ଯଦି ଆପଣ ଫଳ ଖାଇବା ସମୟରେ ଲୁଣ ଛିଞ୍ଜି ଖାଇବା ଅଭ୍ୟାସ ରଖିଥାନ୍ତି, ତେବେ ଏହାକୁ ତୁରନ୍ତ ଛାଡନ୍ତୁ । ଫଳ ଉପରେ ଲୁଣ ମିଶାଇ ଖାଇବା ବହୁତ କ୍ଷତିକାରକ ସାବ୍ୟସ୍ତ ହୋଇପାରେ । ଏହି କାରଣରୁ ଫଳଗୁଡିକରେ ମିଳୁଥିବା ପୁଷ୍ଟିସାର ହ୍ରାସ ପାଇଥାଏ । ଆପଣମାନେ ଜାଣି ରଖନ୍ତୁ ଯେ ଅତ୍ୟାଧିକ ଲୁଣ ଖାଇବା ଦ୍ବାରା ପାଣି ଜମା ହୋଇପାରେ । ଯାହା ଫଳରେ ହ୍ରୁଦରୋଗ, ରକ୍ତଚାପ ଭଳି ସମସ୍ୟା ବ୍ରୁଦ୍ଧି ପାଇପାରେ ।
୩. ସାଲାଡ୍ : ଆପଣମାନେ ନିଶ୍ଚିତ ଭାବରେ ଜାଣିଥିବେ ଯେ ଲୋକମାନେ ସାଲାଡରେ ଲୁଣ ପକାଇଖାଇଥାନ୍ତି । କିନ୍ତୁ ଏହା ଶରୀର ପାଇଁ ବହୁତ କ୍ଷତିକାରକ ହୋଇପାରେ । ସାଲାଡରେ ଲୁଣ ଖାଇବା କାରଣରୁ ଶରୀରରେ ସୋଡିୟମର ପରିମାଣ ବଢ଼ିବାକୁ ଲାଗେ ।
୪. ଜୁସ୍ : ଲୋକମାନେ ଜୁସର ସ୍ବାଦ ବଢ଼ାଇବା ପାଇଁ ସେଥିରେ ଲୁଣ ମିଶାଇ ପିଇଥାନ୍ତି । ଏହି ସ୍ବାଦ ଆପଣଙ୍କ ସ୍ବାସ୍ଥ୍ୟ ପାଇଁ କ୍ଷତିକାରକ ହୋଇପାରେ ।
ଯଦି ଆପଣ ଏହି ସବୁ ଖାଦ୍ୟରେ ଅତ୍ୟାଧିକ ଲୁଣ ବ୍ୟବହାର କରୁଛନ୍ତି, ତେବେ ଏହି ଅଭ୍ୟାସ୍ ଆଜି ହିଁ ବନ୍ଦ କରନ୍ତୁ ।