କେଶ ଝଡ଼େ, ହେଲେ ନିଶ ଦାଢ଼ି ଝଡ଼େନାହିଁ କାହିଁକି? ଜାଣନ୍ତୁ ଏହା ପଛର କାରଣ

ବର୍ତ୍ତମାନ ସମୟରେ କେଶ ଛଡିବା ସମସ୍ୟା ବେସ୍ ବଢ଼ିଚାଲିଛି । ଯାହାକୁ ଦେଖିବେ ଏହି ସମସ୍ୟାରେ ସମ୍ମୁଖୀନ ହେଉଛନ୍ତି । ହେଲେ କେବେ ଭାବିଛନ୍ତି କି କେଶ ସିନା ବହୁତ ଶୀଘ୍ର ଝଡେ ହେଲେ ନିଶ ଦାଢ଼ି ଏବଂ ଶରୀରରେ ଲୋମ ଝଡି ନଥାଏ କାହିଁକି? କେଶ ଝଡିବା ହେଉ କିମ୍ବା ନିଶ ଦାଢ଼ି ନ ଝଡିବା ଏହା ହରମୋନ ପାଇଁ ସମ୍ଭବ ହୋଇଥାଏ । କେଶ ଉପରେ ମୁଖ୍ୟତଃ ଡିଏଚଟି ନାମକ ହରମୋନର ପ୍ରଭାବ ପଡିଥାଏ । ହରମୋନ ଯଦି ଠିକ୍ ଭାବରେ ଥାଏ ତେବେ କେଶ ଏତେ ଶୀଘ୍ର ଝଡି ନଥାଏ । ଯଦି ଆପଣଙ୍କର ହରମୋନର ଅଭାବ ଅଛି ତେବେ ଅନେକ ପ୍ରକାରର ସମସ୍ୟା ସାମ୍ନାକୁ ଆସିଥାଏ । ନିଶ, ଦାଢ଼ି ଓ ଶରୀର ଲୋମ ଉପରେ ଟେଷ୍ଟୋଷ୍ଟେରୋନର ପ୍ରଭାବ ପଡିଥାଏ, ଯାହା ଏହି ଲୋମଗୁଡିକୁ ବଢ଼ିବାରେ ସାହାଯ୍ୟ କରିଥାଏ ଏବଂ ଏତେ ଶୀଘ୍ର ଝଡିବାକୁ ଦିଏ ନାହିଁ ।

ଏହା ସହିତ ଲୋମର ବୃଦ୍ଧି ଏବଂ ଝଡିବାର ସମସ୍ୟା ଜିନ୍ ଦ୍ୱାରା ମଧ୍ୟ ନିୟନ୍ତ୍ରିତ ହୋଇଥାଏ । ମୁଣ୍ଡରେ କେଶ ବିଭିନ୍ନ କାରଣ ପାଇଁ ଝଡିଥାଏ ହେଲେ କେଶ ଝଡିବା ଏବଂ ପତଳା ହୋଇଯିବା ସାଧାରଣତଃ ଏଣ୍ଡ୍ରୋଜେନେଟିକ୍ ଏଲୋପେସିୟା କାରଣରୁ ମଧ୍ୟ ହୋଇଥାଏ ବୋଲି ଜଣାପଡିଛି । ଯାହାକି ଏହି ସମସ୍ୟା ପୁରୁଷ ଏବଂ ମହିଳା ଉଭୟଙ୍କ କ୍ଷେତ୍ରରେ ଦେଖାଦେଇଥାଏ । କେଶ ବୃଦ୍ଧିର ଚକ୍ର ଲମ୍ବା ହୋଇଥାଏ । କେଶ ଝଡିବା ସାଧାରଣତଃ ସେହି ଚକ୍ରର ଟେଲୋଜେନ୍ ସୋପାନରେ ହୋଇଥାଏ । ଅର୍ଥାତ୍ ଯେଉଁଠି କେଶ ବୃଦ୍ଧି ଅଟକିଯାଏ, ସେଇଠି କେଶ ଝଡିବା ଆରମ୍ଭ ହୋଇଥାଏ । ଅନ୍ୟପକ୍ଷେ ଶରୀରର ଲୋମ ବୃଦ୍ଧିର ଚକ୍ର ଛୋଟ ହୋଇଥିବା ଯୋଗୁ ଏହା ବହୁତ କମ୍ ଝଡିଥାଏ । ଏହା ବ୍ୟତୀତ କେଶ ଝଡିବାର ମୁଖ୍ୟ କାରଣ ହେଉଛି ଆଜିକାଲି ଅତ୍ୟଧିକ ଚାପ ଏବଂ ଅବ୍ୟବସ୍ଥିତ ଜୀବନ ଶୈଳୀ କାରଣରୁ ଏହା ସମ୍ଭବ ହୋଇଥାଏ ।