ଟ୍ରେନ୍ରୁ ୯ ନାବାଳିକା ଓ ୨ ନାବାଳକ ଉଦ୍ଧାର
ରାଜ୍ୟ ବାହାରକୁ ନାବାଳକ ଓ ନାବାଳିକାଙ୍କୁ ଚୋରା ଚାଲାଣ କରିବା ଉଦ୍ୟମକୁ ପୋଲିସ ପଣ୍ଡ କରିଛି । ରାଉରକେଲା ରେଳ ଷ୍ଟେସନରେ ୧୧ ଜଣ ନାବାଳକ ଓ ନାବାଳିକାଙ୍କୁ ଉଦ୍ଧାର କରାଯାଇଛି । ଚାଇଲ୍ଡ ଲାଇନ ଓ ଜିଆର୍ପି ଟିମ୍ ମିଳିତ ଭାବେ ଏହି ଚାଲାଣକୁ ରୋକିଛନ୍ତି । ଏହା ସହିତ ୨ ଜଣ ଦଲାଲଙ୍କୁ ମଧ୍ୟ ଅଟକ ରଖାଯାଇଛି । ଟ୍ରେନ୍ରେ ପିଲାଙ୍କୁ ଚାଲାଣ କରାଯାଉଥିବା ନେଇ ଚାଇଲ୍ଡକୁ ଲାଇନ୍କୁ ଖବର ମିଳିଥିଲା । ଏହା ପରେ ମିଳିତ ଚଢ଼ାଉ କରାଯାଇଥିଲା । କରାଯାଇଛି । ହାୱଡା-ମୁମ୍ବାଇ ଗୀତାଞ୍ଜଳି ଏକ୍ସପ୍ରେସରୁ ୯ ଜଣ ନାବାଳିକା ଏବଂ ୨ ନାବାଳକୁ ଉଦ୍ଧାର କରାଯାଇଛି । ଉଦ୍ଧାର ପିଲାମାନେ ବିହାର କଟିହାର ଅଂଚଳର ବୋଲି ଜଣାପଡ଼ିଛି । ସମସ୍ତଙ୍କୁ ସର୍ଟଷ୍ଟେ ହୋମ୍ରେ ରଖାଯାଇଛି । ସେପଟେ ଚାଲାଣ କରୁଥିବା ୨ ଜଣ ଦଲାଲଙ୍କୁ ଅଟକ ରଖାଯାଇଛି । ଏ ନେଇ ଅଧିକ ଖୋଳତାଡ଼ କରାଯାଉଛି ।