ଦୁର୍ଭାଗ୍ୟ ଡାକି ଆଣେ ଘରେ ଥିବା ଏହି ପୁରୁଣା ଜିନିଷ, ତୁରନ୍ତ କାଢି ଦିଅନ୍ତୁ
ଗୋଟିଏ ସକରାତ୍ମକ ଶକ୍ତି ଏବଂ ଗୋଟିଏ ନକାରାତ୍ମକ ଶକ୍ତି। ଆଜି ଆମେ ଘରେ ନକାରାତ୍ମକ ଶକ୍ତି ସୃଷ୍ଟି କରୁଥିବା କେତେକ ପୁରୁଣା ଜିନିଷ ବିଷୟରେ ଜାଣିବା। ଆମ ଘରେ ପଡିରହିଥିବା ପୁରୁଣା ଜିନିଷ ଆମର ପ୍ରଗତି ଏବଂ ଘରର ସମୃଦ୍ଧିକୁ ବାଧା ଦେଇଥାଏ। ତେବେ ଚାଲନ୍ତୁ ଜାଣିବା ଆମ ସେହିଭଳି କେତେକ ପୁରୁଣା ଜିନିଷ ବିଷୟରେ, ଯାହାକୁ ତୁରନ୍ତ ଘରୁ ବାହାର କରାଯିବା ଉଚିତ୍।
ପୁରୁଣା ଖବରକାଗଜ:-
କିଛି ଲୋକଙ୍କର ଅଭ୍ୟାସ ଅଛି ଯେ ସେମାନେ ପୁରୁଣା ଖବରକାଗଜ ବହୁଦିନ ଧରି ଗଦାକରି ରଖିଥାନ୍ତି। ବାସ୍ତୁ ଅନୁଯାୟୀ ଏହା ବହୁତ ଖରାପ ହୋଇଥାଏ। ପୁରୁଣା ଖବରକାଗଜରେ ଧୂଳି ଏବଂ ମାଟି ସହ କୀଟ ପ୍ରଜନନ ହେବାର ଭୟ ଥାଏ। ଏହି ସବୁ ଜିନିଷ ହେତୁ, ଘରେ ଏକ ପ୍ରକାର ନକାରାତ୍ମକ ଶକ୍ତି ଉତ୍ପନ୍ନ ହୋଇଥାଏ। ପୁରୁଣା ଖବକାଗଜ ଘରେ ରଖିବା ଦ୍ଵାରା ପରିବାରରେ ମତଭେଦ ସୃଷ୍ଟି ହେବା ସହ ପ୍ରଗତିରେ ବାଧା ସୃଷ୍ଟି ହୋଇଥାଏ। ତେଣୁ ସମୟ ଅନୁସାରେ ଘରୁ ଯେତେ ସମ୍ଭବ ପୁରୁଣା ଖବକାଗଜ କାଢି ଦିଅନ୍ତୁ।
ପୁରୁଣା ତାଲା:-
ବାସ୍ତୁ ଅନୁଯାୟୀ, ଘରେ ଅଦରକାରୀ ହୋଇ ପଡ଼ି ରହିଥିବା ପୁରୁଣା ତାଲା ରଖିବା ଅତ୍ୟନ୍ତ ଦୁର୍ଭାଗ୍ୟଜନକ ହୋଇଥାଏ। କୁହାଯାଏ ଯେ ଯେଉଁ ତାଲା ବ୍ୟବହାର ହେଉନାହିଁ କିମ୍ବା ନଷ୍ଟ ହୋଇଯାଇଛି, ସେଗୁଡ଼ିକୁ ତୁରନ୍ତ ଘରୁ ହଟାଇଦେବା ଉଚିତ୍। ସେହି ଖରାପ ବା ବନ୍ଦ ହୋଇ ରହିଥିବା ପୁରୁଣା ତାଲା ଆପଣଙ୍କ ଭାଗ୍ୟକୁ ସବୁଦିନ ପାଇଁ ବନ୍ଦ କରିଦିଏ ଏବଂ ପ୍ରଗତିର ରାସ୍ତା ବନ୍ଦ କରିଦିଏ।
ବନ୍ଦ ହୋଇ ପଡିଥିବା ପୁରୁଣା ଘଣ୍ଟା:-
ଯଦି ଆପଣଙ୍କ ଘରେ ବନ୍ଦ ହୋଇ ପଡିଥିବା ଘଣ୍ଟା ରହିଛି ତାକୁ ତୁରନ୍ତ କାଢି ଦିଅନ୍ତୁ। ଏହା ଜୀବନରେ ପ୍ରଗତି ରେ ବାଧା ସୃଷ୍ଟି କରିଥାଏ। ବିଶ୍ବାସ କରାଯାଏ ଯେ ବନ୍ଦ ଘଣ୍ଟା ଆପଣଙ୍କୁ ଭଲ ସମୟ ଦେବାକୁ ସୁଯୋଗ ଦିଏ ନାହିଁ ଏବଂ ଆପଣଙ୍କ ଜୀବନରେ ସୁଖ ନଷ୍ଟ କରିଦିଏ।
ଛିଣ୍ଡା ଜୋତା- ଚପଲ :-
ଉଭୟ ଜ୍ୟୋତିଷ ଶାସ୍ତ୍ର ଏବଂ ବାସ୍ତୁରେ ଛିଡ଼ା ଜୋତା ଏବଂ ଚପଲ ପିନ୍ଧିବା ଅତ୍ୟନ୍ତ ଅଶୁଭ ହୋଇଥାଏ।ଶାସ୍ତ୍ର ଅନୁସାରେ, ଘରେ ଛିଣ୍ଡା ଜୋତା ରଖିବା ଆପଣଙ୍କ ଜୀବନରେ ସଂଘର୍ଷ ଦର୍ଶାଇଥାଏ। ଯଦିଓ ଆପଣଙ୍କ ପାଖରେ ଅଳ୍ପ ସଂଖ୍ୟକ ଜୋତା – ଚପଲ ରହିଛି, ତଥାପି ସେଗୁଡ଼ିକ ସଂପୂର୍ଣ୍ଣ ଠିକ୍ ଅବସ୍ଥାରେ ଏବଂ ପରିଷ୍କାର ହେବା ବ୍ୟବହାର କରିବା ଉଚିତ୍। ପୁରୁଣା ଜୋତାକୁ ଶନିବାର ଦିନ ଘରୁ ବାହାରକୁ ଫିଙ୍ଗି ଦିଅନ୍ତୁ। ଏହା ଶନି ଦଶାକୁ ହ୍ରାସ କରିଥାଏ।
ପୁରୁଣା ଚିରା ପୋଷାକ:-
ବାସ୍ତୁ ଶାସ୍ତ୍ରରେ ଆମେ ପୋଷାକ ପିନ୍ଧିବା ଶୈଳୀ ଆମ ଭାଗ୍ୟ ପ୍ରତିଫଳିତ କରେ ବୋଲି କୁହାଯାଏ। ଭୁଲରେ ବି ଘରେ ଏପରି ପୋଷାକ ରଖିବା ଉଚିତ୍ ନୁହେଁ ଯେଉଁଗୁଡିକ ଚିରିଯାଇଛି କିମ୍ବା ବହୁତ ପୁରୁଣା ହୋଇ ଖରାପ ଅବସ୍ଥାରେ ଅଛି। କୁହାଯାଏ ଯେ ଚିରିଯାଇଥିବା ପୋଷାକ ତୁମର କ୍ୟାରିଅରରେ ବାରମ୍ବାର ସମସ୍ୟା ସୃଷ୍ଟି କରେ। ସେହିଭଳି ଘରେ ଫଟା, କଣା ବାସନ ରଖିବା ଦ୍ଵାରା ଆର୍ଥିକ ସମସ୍ୟା ସୃଷ୍ଟି ହୋଇଥାଏ ।