ଭିଜିଲାନ୍ସ ଜାଲରେ ପଡ଼ିଲେ କୋଟିପତି ଏଆରଆଇ

କୋରାପୁଟ :  ଆଉ ୫ଦିନ ପରେ ଅବସର ନେଇଥାନ୍ତେ ।  ଭିଜିଲାନ୍ସ ଜାଲରେ ପଡ଼ିଲେ କୋଟିପତି ଏଆରଆଇ ।  ରେଡ୍ ବେଳେ ଅଚଳାଚଳ ସଂପତ୍ତି ଠାବ । କୋରାପୁଟ ଜିଲ୍ଲା ବୋରିଗୁମ୍ମା ତହସିଲ କୁମୁଳି ସର୍କଲର ଭାରପ୍ରାପ୍ତ ଆରଆଇ ସୁରେନ୍ଦ୍ର ତନ୍ତୀଙ୍କ ଘରେ ଭିଜିଲାନ୍ସ ରେଡ୍ ବେଳେ ଅଚଳାଚଳ ସଂପତ୍ତି ଠାବ ହୋଇଛି। ୩ଟି ବହୁତଳ ବିଲ୍ଡିଂ, ଚଢଉ ବେଳେ ପୁଳାପୁଳା ଟଙ୍କା ସହ ମାଳମାଳ ପ୍ଲଟ ଠାବ ହୋଇଛି।

ପ୍ରାୟ କୋଟିଏ ଟଙ୍କାର ସମ୍ପତ୍ତି ଜବତ ହେଲାଣି । ସୁରେନ୍ଦ୍ର ତନ୍ତୀଙ୍କ ୨ଟି କୋଠା ଓ ୮ଟି ପ୍ଲଟ ଠାବ ହୋଇଥିବା ବେଳେ ଘରୁ ୧୫୨ ଗ୍ରାମର ସୁନା ଅଳଙ୍କାର ମିଳିଛି। ଏକଲକ୍ଷ ୫୫ ହଜାର ଟଙ୍କାର ନଗଦ ଟଙ୍କା ଠାବ କରିଛି ଭିଜିଲାନ୍ ସ ଟିମ। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ୮ଟି ସ୍ଥାନରେ ଚଢ଼ାଉ କରିଛି ଭିଜିଲାନ୍ସ। ସୁରେନ୍ଦ୍ରଙ୍କର ବୋରିଗୁମ୍ମାରେ ୨ହଜାର ବର୍ଗଫୁଟର ଏକମହଲା କୋଠା ରହିଥିବା ବେଳେ ଝିଲିମିଲି ଠାରେ ୨ହଜାର ବର୍ଗଫୁଟର ଦୁଇମହଲା କୋଠା ରହିଛି।

ବୋରିଗୁମ୍ମାରେ ରହିଛି ୮ଟି ପ୍ଲଟ। ଘରୁ ନଗଦ ଏକଲକ୍ଷ ୫୫ହଜାର ଟଙ୍କା ଓ ୧୫୨ ଗ୍ରାମ ସୁନା ଅଳଙ୍କାର ଠାବ ହୋଇଛି। ଏହା ସହ ୩ଟି ଫୋର ହ୍ବିଲର ଓ ଗୋଟିଏ ବାଇକ ମଧ୍ୟ ରହିଛି। ଏହା ସହ ବ୍ୟାଙ୍କ ଜମା, ବୀମା, ପୋଷ୍ଟାଲ ସଞ୍ଚୟ ଓ ଅନ୍ୟ ଜମାରାଶିର ହିସାବ କରୁଛି ଭିଜିଲାନସ ଟିମ୍।

ସୁରେନ୍ଦ୍ର ତନ୍ତିଙ୍କ ବୋରିଗୁମ୍ମା ସ୍ଥିତ ଦୁଇ ମହଲା ଘର ସହ ତାଙ୍କ ଝିଅ ରହୁଥିିବା ଭଡ଼ା ଘରେ ମଧ୍ୟ ଚଢାଉ କରିଛି ଟିମ୍ । ସେହିପରି ବୋରିଗୁମ୍ମା ରାଣସପୁର ପୈତୃକ ଘର, ସମ୍ପର୍କୀୟଙ୍କ ଘର ସହ ଦୁଇ ମହଲା ମାର୍କେଟ କମ୍ପ୍ଲେକ୍ସରେ ହୋଇଛି ରେଡ୍ । ବୋରିଗୁମ୍ମା ସରକାରୀ କାର୍ଯ୍ୟାଳୟରେ ବି ଚଢଉ ହୋଇଛି।