ଯେକୌଣସି ସମୟରେ ଆକ୍ରମଣ କରିପାରେ ଭାରତ : ପାକ୍ ପ୍ରତିରକ୍ଷା ମନ୍ତ୍ରୀ

ଇସ୍ଲାମାବାଦ: ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତର କାର୍ଯ୍ୟାନୁଷ୍ଠାନରେ ପାକିସ୍ତାନ ସରକାର ଭୟଭୀତ। ଏପରିକି ପାକିସ୍ତାନ ସେନାରେ ସୈନ୍ୟ ଓ ଅଧିକାରୀମାନେ ଇସ୍ତଫା ଦେବାରେ ଲାଗିଛନ୍ତି । ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖୱାଜା ମହମ୍ମଦ ଆସିଫ କହିଛନ୍ତି ଯେ ଭାରତ ଯେକୌଣସି ସମୟରେ ଆକ୍ରମଣ କରିପାରେ। ଏପରି ପରିସ୍ଥିତିରେ, ସେନାକୁ ସମ୍ପୂର୍ଣ୍ଣ ପ୍ରସ୍ତୁତ ରଖାଯାଇଛି। ଖାୱାଜା ଆସିଫ କହିଛନ୍ତି ଯେ ଏହି ପରିସ୍ଥିତିରେ କିଛି କୂଟନୈତିକ ନିଷ୍ପତ୍ତି ନେବାକୁ ପଡିବ, ଯାହା ନିଆଯାଉଛି।ରିପୋର୍ଟ ଅନୁସାରେ, ଖୱାଜା ଆସିଫ କହିଛନ୍ତି ଯେ ପାକିସ୍ତାନ ସେନା ଭାରତ ଆକ୍ରମଣର ସମ୍ଭାବନା ବିଷୟରେ ସରକାରଙ୍କୁ ସୂଚନା ଦେଇଛି। ଆସିଫ୍ କହିଛନ୍ତି ଯେ ପାକିସ୍ତାନ ସମ୍ପୂର୍ଣ୍ଣ ସତର୍କ ଅଛି ଏବଂ ଆମ ଅସ୍ତିତ୍ୱ ପ୍ରତି ସିଧାସଳଖ ବିପଦ ଆସିଲେ ଆମେ ଆମର ପରମାଣୁ ଅସ୍ତ୍ର ବ୍ୟବହାର କରିବୁ। ପୂର୍ବରୁ, ସିନ୍ଧୁ ଜଳ ଚୁକ୍ତିନାମା ଉପରେ ଭାରତର ନିଷ୍ପତ୍ତିକୁ ଭୟ କରି ଖୱାଜା ଆସିଫ କହିଥିଲେ ଯେ ଭାରତ ପାଣିକୁ ଏକ ଅସ୍ତ୍ର ଭାବରେ ବ୍ୟବହାର କରୁଛି।