ଶ୍ରୀରାମ ମନ୍ଦିର ପାଇଁ ଯଦି ସରକାର ବି ହରାଇବାକୁ ପଡେ ତାହାଲେ ଅସୁବିଧା ନାହିଁ: ଯୋଗୀ

ଲକ୍ଷ୍ନୌ: ଅଯୋଧ୍ୟା ଗସ୍ତରେ ଆସି ବଡ ବୟାନ ଦେଇଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଅଯୋଧ୍ୟାରେ ୫ ଘଣ୍ଟା ବିତାଇ ବିଭିନ୍ନ ବିକାଶମୂଳକ କାମର ସମୀକ୍ଷା ଏବଂ ଆଗାମୀ ଯୋଜନା ବାବଦରେ ଆଲୋଚନା କଲା ବେଳେ ବଡ ବୟାନ ଦେଇଛନ୍ତି । ଯୋଗୀ କହିଛନ୍ତି, ମୋର ୩ ପିଢି ଯାକ ଶ୍ରୀରାମ ଜନ୍ମଭୂମି ଆନ୍ଦୋଳନ ପାଇଁ ସମର୍ପିତ ଥିଲେ ତେଣୁ ମୁଁ ବି କ୍ଷମତା ପାଇଁ ଆସିନି । ଯଦି ଶ୍ରୀରାମ ମନ୍ଦିର ପାଇଁ ସରକାର ହରାଇବାକୁ ବି ପଡେ ତାହାଲେ କୌଣସି ସମସ୍ୟା ନାହିଁ । ୨୦୧୭ରେ ଯେବେ ଆମେ ଅଯୋଧ୍ୟାରେ ଦୀପୋତ୍ସବ କରିଥିଲୁ ସେତେବେଳେ ଆମ ମନରେ ଥିଲା କି ଅଯୋଧ୍ୟାକୁ ତାର ପ୍ରକୃତ ପରିଚୟ ମିଳିବା ଦରକାର । ଅଯୋଧ୍ୟା ଯେଉଁ ସମ୍ମାନର ହକଦାର ସିଏ ସେହି ସମ୍ମାନ ପାଇବା ଦରକାର । ଆଉ ଏବେ ଦେଖନ୍ତୁ ଦୀପାବଳିର ଦିନକ ପୂର୍ବରୁ କେମିତି ଅଯୋଧ୍ୟାର ଦୀପୋତ୍ସବକୁ ନେଇ ସମସ୍ତେ ଉତ୍ସାହିତ ରହୁଛନ୍ତି । ଅଯୋଧ୍ୟାରେ ଦୀପୋତ୍ସବ ଏକ ପର୍ବରେ ପରିଣତ ହୋଇଛି । ତେଣୁ ଏହି ଅଯୋଧ୍ୟା ଏବଂ ଶ୍ରୀରା ମନ୍ଦିର ପାଇଁ ଯଦି ସରକାର ହରାଇବାକୁ ପଡେ ତାହାଲେ କିଛି ଅସୁବିଧା ନାହିଁ ।