ସେହିପରି  ପରଦିନ ଜାମସେଦପୁରସ୍ଥିତ ଗୋଲମୁରୀ ଉତ୍କଳ ସମାଜ ବିଦ୍ୟାଳୟ ପ୍ରେକ୍ଷାଳୟରେ ଏକ ବୈଠକର ଆୟୋଜନ ହୋଇଥିଲା। ସେଠାରେ ୧୫୦୦ ଛବିଳ ମଧୁ ବର୍ଣ୍ଣବୋଧ ୨୧ଟି ବିଦ୍ୟାଳୟ ମଧ୍ୟରେ ବଣ୍ଟନ କରାଯାଇଛି। ପୂର୍ବ ସିଂହଭୂମି ଜିଲ୍ଲା ଉତ୍କଳ ସମ୍ମିଳନୀର ସଭାପତି ତଥା କେନ୍ଦ୍ରୀୟ ସମିତିର ଉପସଭାପତି ଆଇନଜୀବୀ ରବୀନ୍ଦ୍ରନାଥ ଶତପଥୀ ସଭାରେ ପୌରହିତ୍ୟ କରିବା ସହ ଝାଡ଼ଖଣ୍ଡ ରାଜ୍ୟର ପୂର୍ବ ସିଂହଭୂମି ଜିଲ୍ଲା ଉତ୍କଳ ସମ୍ମିଳନୀ ସଚିବ ପ୍ରଦୀପ କୁମାର ଦାସ ସଭା ସଂଚାଳନ କରିଥିଲେ। ଏହି ସଭାରେ କେନ୍ଦ୍ରୀୟ ସଭାପତି ପ୍ରଫେସର ଡକ୍ଟର ପାତ୍ର ନିଜ ବକ୍ତବ୍ୟରେ ବିଛିନ୍ନାଞ୍ଚଳରେ କିପରି ମାତୃଭାଷା ଓଡ଼ିଆକୁ ସୁଦୃଢ କରାଯିବ ପ୍ରତ୍ୟେକ ଓଡ଼ିଆ ବିଦ୍ୟାଳୟରେ ଛାତ୍ରଛାତ୍ରୀମାନେ ନିଜ ମାତୃଭାଷା ଓଡିଆରେ ଅଧ୍ୟୟନରୁ ବଞ୍ଚିତ ନହୁଅନ୍ତି ଉପସ୍ଥିତ ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ମାନଙ୍କୁ ପରାମର୍ଶ ଦେଇଥିଲେ। ସଚିବ ପ୍ରଦୀପ କୁମାର ଦାସ ଓଡ଼ିଆ ଭାଷାରେ ଖଡ଼ଗପୁର ରେଳ ଷ୍ଟେସନ ଠାରୁ ଆଦିତ୍ୟପୁର ପର୍ଯ୍ୟନ୍ତ ପ୍ରତ୍ୟେକ ରେଳ ଷ୍ଟେସନ ପର୍ଯ୍ୟନ୍ତ ଓଡ଼ିଆ ଭାଷାରେ ନାମ ଫଳକ ଲେଖା କରାଇବା ପାଇଁ ଉତ୍କଳ ସମ୍ମିଳନୀର କେନ୍ଦ୍ରୀୟ ସଭାପତି ପ୍ରଫେସର ଡକ୍ଟର ପାତ୍ର ଏବଂ ସାଧାରଣ ସଂପାଦକ ରବୀନ୍ଦ୍ର କୁମାର ମିଶ୍ରଙ୍କର ଦୃଷ୍ଟି ଆକର୍ଷଣ କରି କହିଥିଲେ କି ଯେତେ ଶୀଘ୍ର ଏହି କାର୍ଯ୍ୟକ୍ରମକୁ ତ୍ବରାନ୍ବିତ କରି କାର୍ଯ୍ୟକାରୀ କରିବାକୁ ଅନୁରୋଧ କରିଥିଲେ।