ବାହାନଗା ଟ୍ରେନ୍ ଦୁର୍ଘଟଣା: ଭୁବନେଶ୍ବର ଏମ୍ସରୁ ୧୩ ମୃତଦେହ ସଂପର୍କୀୟଙ୍କୁ ହସ୍ତାନ୍ତର
ଭୁବନେଶ୍ବର: ବାହାନଗା ଟ୍ରେନ୍ ଦୁର୍ଘଟଣାର ଶିକାର ହୋଇଥିବା ୧୩ ଜଣଙ୍କର ମୃତଦେହ ଆଜି ସେମାନଙ୍କର ସଂପର୍କୀୟମାନଙ୍କୁ ହସ୍ତାନ୍ତର କରାଯାଇଛି। ଡିଏନ୍ଏ ପରୀକ୍ଷା ଫଳାଫଳ ଆଧାରରେ ଏବଂ ଭୁବନେଶ୍ୱର ଏମ୍ସ, ଭୁବନେଶ୍ୱର ମ୍ୟୁନିସିପାଲିଟି କର୍ପୋରେସନ୍ (ବିଏମସି) ଏବଂ ଜିଆରପି ସହିତ ସମନ୍ୱୟ ରକ୍ଷା କରି ବାହାନାଗା ଟ୍ରେନ୍ ଦୁର୍ଘଟଣା ପୀଡିତଙ୍କ ୧୩ ମୃତଦେହ ସେମାନଙ୍କର ସମ୍ପର୍କୀୟମାନଙ୍କୁ ହସ୍ତାନ୍ତର କରାଯାଇଥିବା ଜଣାପଡ଼ିଛି। ମୃତଦେହଗୁଡ଼ିକ ମଧ୍ୟରୁ ଚାରିଟି ବିହାର, ଆଠଟି ପଶ୍ଚିମବଙ୍ଗ ଓ ଗୋଟିଏ ଝାଡ଼ଖଣ୍ଡକୁ ପଠାଯାଇଛି। ପରିବାର ପାଇଁ ଆମ୍ବୁଲାନ୍ସ ଏବଂ ଏସକର୍ଟ ଯାନ ଯଥାକ୍ରମେ ଓଡ଼ିଶା ସରକାର ଏବଂ ପୂର୍ବତଟ ରେଳପଥ ଦ୍ୱାରା ବ୍ୟବସ୍ଥା କରାଯାଇଛି। ଦାବିଦାର ଆସିବା ପର୍ଯ୍ୟନ୍ତ ଶବ ହସ୍ତାନ୍ତର ପ୍ରକ୍ରିୟା ଜାରି ରହିବ ବୋଲି ଜଣାପଡ଼ିଛି।