ଅବକାରୀ ଚଢ଼ାଉ: ମଦ ଜବତ, ୪ ଗିରଫ

ସୋର, ରଞ୍ଜିତ ମହାକୁଡ଼:  ଶନିବାର ସୋର ଅବକାରୀ ବିଭାଗ ପକ୍ଷରୁ ୧୬ ନମ୍ବର ଜାତୀୟ ରାଜପଥ ପାର୍ଶ୍ୱର ସୋର ଏବଂ ବହନଗା ମଧ୍ୟରେ ଥିବା ବିଭିନ୍ନ ଢ଼ାବା ରେ ଚଢ଼ାଉ କରାଯାଇଛି।ଏହି ସମୟରେ ବିପୁଳ ପରିମାଣର ବିଦେଶୀ ମଦ ଜବତ କରାଯିବା ସହିତ ୪ ଜଣଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି। ଅବକାରୀ ଅଧିକାରିଣୀ ସ୍ୱାତୀ ପଟ୍ଟନାୟକ ନେତୃତ୍ୱରେ ଏକ ଟିମ ଉତରେଶ୍ୱର ହୋଟେଲ ଶୀତଲଛାୟା ଉପରେ ଚଢଉ କରି ମଦ ଜବତ ସହିତ ପଦ୍ମଲୋଚନ କରଣଙ୍କୁ ଗିରଫ କରାଯାଇଥିଲା।

ସେହିପରି ଛପୋଲିଆ ନିକଟସ୍ଥ ଜଗାବଳିଆ ହୋଟେଲରେ ଚଢଉ କରି ସୁଦର୍ଶନ ନାୟକ, ବାରିକପୁର ମହାନ୍ତି ଢ଼ାବା ରୁ ବିଦେଶୀ ମଦ ଜବତ କରାଯିବା ସହିତ ସନ୍ତୋଷ କୁମାର ବେହେରାଙ୍କୁ ଗିରଫ କରାଯାଇଛି, ସେହିପରି ପଣପଣା ହୋଟେଲ ମୋନାଲି ଉପରେ ଚଢଉ କରି ମଦ ଜବତ ସହିତ ଚକ୍ରଧର ପାତ୍ର ଙ୍କୁ ଗିରଫ କରାଯାଇଛି। ଏହି ଚଢ଼ାଉ ବେଳେ ଭାସ୍କର ଚନ୍ଦ୍ର ବେହେରା, ଅମରେନ୍ଦ୍ର ଶତପଥି,ବିଶ୍ୱନାଥ ଜେନା,ତପନ କୁମାର ମଲ୍ଲିକ, ଶିଶିର ପ୍ରଧାନ, ଦିଲିପ କୁମାର ଟୁଡୁ,ଚନ୍ଦ୍ରଶେଖର ମୁଦୁଲି,ରାକେଶ ମୁର୍ମୁ ଏବଂ ମିନତୀ ଜେନା ଏହି ଚଢ଼ାଉ ରେ ସାମିଲ ହୋଇଥିଲେ।