ରାପର୍‍ ବାଦ୍‍ଶାହଙ୍କ ଶୋ’ ସହ ୮ମ କିଟ୍‍ ଫେଷ୍ଟ ଉଦ୍‍ଯାପିତ

ଭୁବନେଶ୍ୱର : ବିଶିଷ୍ଟ ରାପର୍‍ ଓ ଗାୟକ ବାଦ୍‍ଶାହଙ୍କ ଚିତ୍ତାକର୍ଷକ ସଂଗୀତ ସଂଧ୍ୟା ସହ ଶେଷ ହୋଇଛି କିଟ୍‍ ଫେଷ୍ଟର ୮ମ ସଂସ୍କରଣ। ପ୍ରତିବର୍ଷ ପରି ଚଳିତବର୍ଷ ଦେଶର ସର୍ବ ବୃହତ ଟେକ୍ନୋ-କଲଚରାଲ୍‍ ଫେଷ୍ଟ କୁହାଯାଉଥିବା କିଟ୍‍ ଫେଷ୍ଟ ରବିବାର ଉଦ୍‍ଯାପିତ ହୋଇଯାଇଛି। ଉଦ୍‍ଘାଟନୀ ସଂଧ୍ୟାରେ ସୁହାନା ସଫର ଉଇଥ ରଫି, କିଶୋର, ଲତା ଆଣ୍ଡ କେକେ ସହ ତାଳ ଦେଇ ଝୁମିଥିଲେ କିଟ୍‍ ବିଶ୍ୱବିଦ୍ୟାଳୟର ସମସ୍ତ ଛାତ୍ରଛାତ୍ରୀ । ଅତି ଶୃଙ୍ଖଳିତ ଢ଼ଙ୍ଗରେ କିଟ୍‍ ଫେଷ୍ଟ ୨୦୨୫ ଆୟୋଜନ ହୋଇଥିବା ବେଳେ ଦ୍ୱିତୀୟ ସାଂସ୍କୃତିକ ସନ୍ଧ୍ୟାରେ ଧ୍ୱନୀ ଭାନୁଶାଳୀ ସଂଗୀତ ପରିବେଷଣ କରିଥିଲେ ।

ତିନିଦିନ ଧରି କଳା, ସଂସ୍କୃତି, ସାହିତ୍ୟ ଓ ବୈଷୟିକ ଜ୍ଞାନ ସମ୍ବଳିତ ବିଭିନ୍ନ ପ୍ରତିଯୋଗିତାରେ ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ । କିଟ୍‍ ଫେଷ୍ଟ ହେଉଛି ଭାରତର ସର୍ବ ବୃହତ ଟେକ୍ନୋ-କଲଚରାଲ୍‍ ଫେଷ୍ଟିଭାଲ । କିଟ୍‍ ସମେତ ଦେଶର ବିଭିନ୍ନ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟର ଛାତ୍ରଛାତ୍ରୀଙ୍କୁ ସେମାନଙ୍କ ସର୍ଜନଶୀଳତା ଓ ଦକ୍ଷତା ପ୍ରଦର୍ଶନ କରିବାର ଏହା ଏକ ପ୍ରକୃଷ୍ଟ ମଞ୍ଚ । ଏଥିରେ ମୋଟ ୨୫ଲକ୍ଷ ଟଙ୍କାର ପୁରସ୍କାର ରାଶି ରଖାଯାଇଥିଲା ।

କିଟ୍‍ ଫେଷ୍ଟ ୨୦୨୫ରେ କିଟ୍‍ ସମେତ ଦେଶର ବିଭିନ୍ନ ବୈଷୟିକ ଶିକ୍ଷାନୁଷ୍ଠାନରୁ ମୋଟ ୧୫ ହଜାର ଛାତ୍ରଛାତ୍ରୀ ପଞ୍ଜୀକରଣ କରିଥିଲେ। ଫୁଏଗୋ, ବଜ୍‍ ରାଇଟ୍‍ ଇଅର, କନଭର୍ଟ ୱେଷ୍ଟ ଆର୍ଟ, ଜରା ନାଚକେ ଦିଖା, ଟ୍ରେଜର୍‍ ହଣ୍ଟ, ବଟଲ୍‍ ନେକ ମାଜେ, ଅର୍ବାନ ରାପ୍‍, ଟେକ୍‍ ଟ୍ରାଇଭିଆ, ଟେକ୍ନୋମର୍ଫ, ରିଲ୍‍ ଆଇଟି, ଲେନ୍‍ସ ଆଣ୍ଡ ଲଜିକ, ବାଇଟ୍‍ ବାଟ୍‍ଲ, ଡିକୋଡ୍‍ ଆଣ୍ଡ ଡୋମିନେଟ୍‍, କ୍ୟୁରିଅସ୍‍ କ୍ୱେଷ୍ଟ, କରେଣ୍ଟ ଫ୍ଲୋ, ଅଳଙ୍କାର, ଦେଖ ତମାସା ଦେଖ, ମିସ୍‍ ମ୍ୟାଚ୍‍, ରୋବୋରେଜ, ବ୍ରେନ୍‍ ବ୍ଲିଜ୍‍ ଓ ଟ୍ରାକ୍‍
ଟ୍ରେସର୍‍ ଆଦି ୮୦ରୁ ଅଧିକ ବିଭାଗରେ ପିଲାଙ୍କ ମଧ୍ୟରେ ପ୍ରତିଯୋଗିତା ଅନୁଷ୍ଠିତ ହୋଇଥିଲା । କୃତି ପ୍ରତିଯୋଗୀଙ୍କୁ ଆର୍ଥିକ ପୁରସ୍କାର ପ୍ରଦାନ କରାଯାଇଥିଲା ।

ଆଜି ଉଦ୍‍ଯାପନୀ ଉତ୍ସବରେ କିଟ୍‍ ଓ କିସ୍‍ ପ୍ରତିଷ୍ଠାତା ଅଚ୍ୟୁତ ସାମନ୍ତ ଯୋଗଦେଇ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିବା ବେଳେ କିଟ୍‍ ବିଶ୍ୱବିଦ୍ୟାଳୟ କୁଳପତି ପ୍ରଫେସର ଶରଣଜିତ ସିଂହ, କୁଳସଚିବ ପ୍ରଫେସର ଜ୍ଞାନ ରଞ୍ଜନ ମହାନ୍ତି ଓ ଅତିରିକ୍ତ କୁଳସଚିବ ଡ. ଶ୍ୟାମସୁନ୍ଦର ବେଉରା ପ୍ରମୁଖ ଏହି କାର‌୍ୟ୍ୟକ୍ରମରେ ଉପସ୍ଥିତ ଥିଲେ ।

Spread the love