ପବିତ୍ର ପହଣ୍ଡି ବିଜେରେ ଗୁଞ୍ଜିଲା ଜୟ ଜଗନ୍ନାଥ ଧ୍ୱନି

ସ୍ନାନମଣ୍ଡପକୁ ବିଜେ କରୁଛନ୍ତି ମହାପ୍ରଭୁ ଶ୍ରୀ ବଳଭଦ୍ର । ରତ୍ନସିଂହାସନରୁ ଆରମ୍ଭ ହୋଇଛି ପବିତ୍ର ପହଣ୍ଡି ବିଜେ ଯାତ୍ରା, ଯେଉଁଠାରେ ହଳଧର ଧାରୀ, ଜ୍ୟେଷ୍ଠ ଭାଇ, ଜଗତର ଆଦରଣୀୟ ବଡ଼ ଠାକୁର ସ୍ନାନବେଦି ଅଭିମୁଖେ ଶାନ୍ତି ଓ ଭକ୍ତିର ମଧୁର ମାହୋଲରେ ଅଗ୍ରସର ହେଉଛନ୍ତି । ଏହି ଦିବ୍ୟ ଯାତ୍ରାରେ ଭଉଣୀ ସୁଭଦ୍ରା ମଧ୍ୟ ପହଣ୍ଡି ବିଜେ କରି ସ୍ନାନବେଦିକୁ ଗମନ କରୁଛନ୍ତି । ଶ୍ରୀମନ୍ଦିର ପରିସର ଆଜି ଭକ୍ତିର ଉଲ୍ଲାସରେ ଉତ୍ସବମୟ ହୋଇଉଠିଛି । ଦେବତା, ଗନ୍ଧର୍ବ ଓ କିନ୍ନରମାନେ ମଧ୍ୟ ଏହି ଅପୂର୍ବ ଦୃଶ୍ୟକୁ ଦର୍ଶନ କରି ନିଜକୁ ଧନ୍ୟ ମନେ କରୁଛନ୍ତି । ଭକ୍ତମାନଙ୍କ ମତରେ, ଏଭଳି ଦିବ୍ୟ ଦୃଶ୍ୟ ସାରା ସଂସାରରେ ଅଦ୍ୱିତୀୟ ଓ ଅତୁଳନୀୟ । ବଡ଼ ଠାକୁରଙ୍କ ପରେ ପରେ ମହାପ୍ରଭୁ ଶ୍ରୀଜଗନ୍ନାଥ ଓ ଭଉଣୀ ସୁଭଦ୍ରା ମଧ୍ୟ ସ୍ନାନବେଦିକୁ ବିଜେ କରିବେ । ଏହି ଅତି ପବିତ୍ର ମୁହୂର୍ତ୍ତକୁ ନିଜ ଚକ୍ଷୁରେ ଦେଖିବା ପାଇଁ ଭକ୍ତମାନେ ଅତ୍ୟନ୍ତ ଉତ୍ସାହ ଓ ଭକ୍ତିଭାବରେ ଅପେକ୍ଷା କରୁଛନ୍ତି । କେମିତି ତାଙ୍କ ଚର୍ମଚକ୍ଷୁରେ ପ୍ରଭୁଙ୍କୁ ଦେଖି ସବୁ ମନରେ ଥିବା ଦୁଃଖ , କହିବେ । ପ୍ରଭୁ ତାଙ୍କୁ ଦେଖି ମଧ୍ୟ ମୁରୁକି ହସିବେ ।