ଉପନିର୍ବାଚନ ପୂର୍ବରୁ ପିପିଲି-ଡେଲାଙ୍ଗର ବିକାଶ ପାଇଁ ୭୦ କୋଟି ଟଙ୍କାର ପ୍ୟାକେଜ୍ ଘୋଷଣା କଲେ ମୁଖ୍ୟମନ୍ତ୍ରୀ

ବିଶେଷ କରି ଚାଷୀ ଭାଇର ପରିଶ୍ରମ ଯୋଗୁଁ ଦେଶର ଅର୍ଥନୀତି ବଞ୍ଚି ରହିଛି । କାରଣ କରୋନା ସମୟରେ ଯେଉଁଭଳି ଚାଷ କାର୍ଯ୍ୟ ନ ରୋକି ଆମ ରାଜ୍ୟ ଓ ଦେଶକୁ ଚାଷୀ ଭାଇ ମାନେ ଅର୍ଥନୀତିକୁ ବଞ୍ଚାଇ ରଖିଥିବାରୁ ଚାଷୀ ଭାଇଙ୍କୁ ଧନ୍ୟବାଦ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଦିବଙ୍ଗତ ବିଜେଡି ବିଧାୟକ ପ୍ରଦୀପ ମହାରଥୀଙ୍କୁ ମନେ ପକାଇ ନବୀନ କହିଛନ୍ତି ଯେ, ସେ ପିପିଲି-ଡେଲାଙ୍ଗର ବିକାଶ ପାଇଁ ଅନେକ ପରିଶ୍ରମ କରିଥିଲେ। ଜୀବନ ସାରା ଏହି ଅଞ୍ଚଳର ବିକାଶ ପାଇଁ ନିଜକୁ ସମର୍ପି ଦେଇଥିଲେ।ସବୁଠାରୁ ବଡ଼କଥା ହେଲା, ଜାତିର ପିତା ମହାତ୍ମା ଗାନ୍ଧୀଙ୍କ ଓଡ଼ିଶା ଗସ୍ତର ୧୦୦ ବର୍ଷ ପୂର୍ତ୍ତି ପାଳନ କରିବ ଓଡ଼ିଶା । ୧୯୨୧ ମସିହା ମାର୍ଚ୍ଚ ୨୩ରେ ଗାନ୍ଧିଜୀ ପ୍ରଥମେ ଓଡ଼ିଶା ଗସ୍ତରେ ଆସିଥିଲେ ଏବଂ ଡେଲାଙ୍ଗରେ ପ୍ରଥମେ ତାଙ୍କର ପାଦ ପଡ଼ିଥିଲା। ସେଥିପାଇଁ ଡେଲାଙ୍ଗ ଅଞ୍ଚଳରେ ଏକ ଆଦର୍ଶ ବିଦ୍ୟାଳୟ ହେବ । ଗାନ୍ଧିଜୀଙ୍କ ସ୍ମୃତିରେ ଏହି ବିଦ୍ୟାଳୟ ହେବ ବୋଲି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ।

ସେହିପରି କରୋନା ବିପଦ ଯାଇ ନାହିଁ, ଏବେ ବିଭିନ୍ନ ରାଜ୍ୟରୁ ଏବେ କରୋନା ସଂକ୍ରମଣର ଖବର ଆସୁଛି। ତେଣୁ ଆପଣ ସମସ୍ତଙ୍କୁ ମୋ ଅନୁରୋଧ କୋଭିଡ୍ ନିୟମ ପାଳନ କରୁନ୍ତୁ ସଂକ୍ରମଣ ନେଇ ପୂର୍ବ ଭଳି ସଚେତନ ଓ ସତର୍କ ରୁହନ୍ତୁ । ଗରିବଙ୍କ ବିକାଶ ପାଇଁ ମୁଁ କାମ କରୁଛି ଏବଂ ବଞ୍ଚିଥିବା ଯାଏଁ ମଧ୍ୟ କରୁଥିବି ବୋଲି ପ୍ରତିଶ୍ରୁତି ଦେଇଛନ୍ତି ମୁଖ୍ୟମନ୍ତ୍ରୀ।