ମଡେଲଙ୍କ ଅଜବ ନିଷ୍ପତ୍ତି, ପ୍ରେମିକଠାରୁ ଧୋକା ପାଇବା ପରେ ନିଜକୁ କଲେ ବିବାହ

ନୂଆଦିଲ୍ଲୀ ୨୫/୦୯: ବିବାହ ପୂର୍ବରୁ, ପ୍ରତ୍ୟେକ ଝିଅ ଚାହାଁନ୍ତି ଯେ ତାଙ୍କ ସ୍ୱାମୀ କୌଣସି ରାଜକୁମାରଠାରୁ କମ୍ ନହୁଅନ୍ତୁ। ଝିଅମାନେ ସ୍ୱପ୍ନ ଦେଖନ୍ତି ଯେ ଫିଲ୍ମ ପରି, ସେମାନଙ୍କର ରାଜକୁମାର ମଧ୍ୟ ସେମାନଙ୍କୁ ସବୁବେଳେ କିଛି ଗିପ୍ଟ ଏବଂ ସରପ୍ରାଇଜ୍ ଦିଅନ୍ତୁ। କିନ୍ତୁ ଏମିତି ଜଣେ ମଡେଲ୍ ଅଛନ୍ତି ଯିଏକି ସେପରି ଆଦୌ ଭାବନ୍ତି ନାହିଁ। ପୁରୁଷମାନଙ୍କ ପ୍ରତି ତାଙ୍କର ବିଶ୍ୱାସ ଏତେ ଭାଙ୍ଗିଗଲା ଯେ ସେ ନିଜକୁ ବିବାହ କରିବାକୁ ସ୍ଥିର କଲେ।

ଏହା ଶୁଣିବାକୁ ଆପଣଙ୍କୁ ଅଜବ ଲାଗୁଥାଇପାରେ, କିନ୍ତୁ ଏହା ସତ୍ୟ। ବ୍ରାଜିଲର ସାଓ ପାଉଲୋର ୩୩ ବର୍ଷିୟା ମଡେଲ୍ କ୍ରିସ୍ ଗାଲେରା ତାଙ୍କ ପ୍ରେମିକଠାରୁ ଧୋକା ପାଇବା ପରେ ଏତେ ଭାଙ୍ଗିପଡିଲେ ଯେ ଶେଷରେ ସେ ନିଜକୁ ହିଁ ବିବାହ କରିନେଲେ। ବିବାହ ପରେ ସେ ସୋସିଆଲ ମିଡିଆରେ କିଛି ଫଟୋ ମଧ୍ୟ ସେୟାର କରିଛନ୍ତି, ଯାହାକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଉଛନ୍ତି।

କ୍ରିସ୍ ଗାଲେରା କହିଛନ୍ତି ଯେ ତାଙ୍କ ପ୍ରେମିକ ତାଙ୍କ ସହ ଧୋକା କଲେ। ସେ ତାଙ୍କ ଠାରୁ ଅଲଗା ହୋଇ ଏକୁଟିଆ ରହିବାକୁ ଲାଗିଲେ ଏବଂ ପରେ ଏକାକୀ ଅନୁଭବ କରିବାକୁ ଲାଗିଲେ। ପୂର୍ବରୁ ସେ ଭାବୁଥିଲେ ଯେ ଖୁସି ରହିବା ପାଇଁ ଜଣେ ସାଥୀ ଆବଶ୍ୟକ, କିନ୍ତୁ ଧୀରେ ଧୀରେ ତାଙ୍କ ଚିନ୍ତାଧାରା ବଦଳିବାକୁ ଲାଗିଲା। ଦିନେ ସେ ସ୍ଥିର କଲେ ଯେ ସେ ନିଜକୁ ହିଁ ବିବାହ କରିବେ କାରଣ ସେ ଅନ୍ୟ କାହାର ଆବଶ୍ୟକ କରନ୍ତି ନାହିଁ, ସେ ନିଜେ ସକ୍ଷମ ଅଟନ୍ତି।

କ୍ରିସ୍ କନ୍ୟା ପରି ସଜେଇ ହୋଇ ଚର୍ଚ୍ଚାରେ ନିଜକୁ ବିବାହ କଲେ। ବିବାହ ପରେ ତାଙ୍କୁ ଅନେକ ପୁଅଙ୍କଠାରୁ ମେସେଜ୍ ଆସିଲା। ଆରବର ଶେଖ ତାଙ୍କୁ କହିଛନ୍ତି ଯେ ସେ ନିଜକୁ ଛାଡପତ୍ର ଦେଇ ତାଙ୍କୁ ବିବାହ କରନ୍ତୁ। ଏହାର ପ୍ରତିବଦଳରେ ସେ ତାଙ୍କୁ ୩ କୋଟିରୁ ଅଧିକ ଟଙ୍କା ପ୍ରଦାନ କରିବେ। ମଡେଲ ଏହାର ଉତ୍ତରରେ ଶେଖଙ୍କୁ ଲେଖିଛନ୍ତି ଯେ ସେ ବିକ୍ରି ଯୋଗ୍ୟ ନୁହଁନ୍ତି ଏବଂ ସେ ବ୍ୟକ୍ତିଙ୍କୁ ମଧ୍ୟ ଜାଣନ୍ତି ନାହିଁ, ତେଣୁ ସେ କେବଳ ଟଙ୍କା ପାଇଁ ବିବାହ କରିବେ ନାହିଁ।