ସିମେଣ୍ଟ ବୋଝେଇ ଡମ୍ଫର ଜବତ, ଜଣେ ଗିରଫ
ରାଉରକେଲା ୦୭।୧୧: ସିମେଣ୍ଟ ବୋଝେଇ ଗାଡ଼ିକୁ ଜବତ କଲା ରାଜଗାଙ୍ଗପୁର ପୋଲିସ । ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ମାଟି ଗେଟ୍ରୁ ଚୋରି ହୋଇଥିବା ଏହି ସିମେଣ୍ଟ ବୋଝିଏ ଗାଡ଼ି । ଜବତର ଗାଡି଼ ଓ ସିମେଣ୍ଟର ମୂଲ୍ୟ ପ୍ରାୟ ୧୦ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି । ଘଟଣାରେ ଜଣଙ୍କୁ ଗିରଫ କରିଛି ପୋଲିସ ।
ଖବର ଅନୁଯାୟୀ, ଗତ ରାତ୍ରୀ ପ୍ରାୟ ୯ ଟା ସମୟରେ ଡ଼ମ୍ଫର ଓଆର ୧୪ଏନ ୯୬୩୯ ରାଜଗାଙ୍ଗପୁର ସ୍ଥିତ ଡାଲମିଆ ସିମେଣ୍ଟ କାରଖାନାରୁ ୧୨ଟନ (୨୪୦ ବ୍ୟାଗ) ସିମେଣ୍ଟ ବୋଝେଇ କରି ବଣେଇ ପାଇଁ ବାହାରିଥିଲା । ଚାଳକ ଗାଡିଟିକୁ ମାଟି ଗେଟ ଠାରେ ଛିଡା କରି ଖାଇବା ପାଇଁ ଯାଇଥିବା ବେଳେ ଜଣେ ଦୁର୍ବୁତ୍ତ ଆସି ମାଲ ବୋଝେଇ ଗାଡିଟିକୁ ଚୋରି କରି ନେଇଥିଲା । ଚାଳକ ଖାଇ ସାରି ଗାଡି ପାଖକୁ ଆସିଲା ବେଳେ ଗାଡି ନଥିବା ଦେଖି ଗାଡି ମାଲିକକୁ ଖବର ଦେଇଥିଲେ । ଗାଡି ମାଲିକ ତୁରନ୍ତ ରାଜଗାଙ୍ଗପୁର ଥାନାକୁ ଖବର ଦେଇଥିଲେ ।
ଥାନା ଅଧିକାରୀ ତୁରନ୍ତ କାର୍ଯ୍ୟନୁଷ୍ଠାନ ନେଇ ରାଜଗାଙ୍ଗପୁର ନିକଟରେ ଥିବା ଘୋଗର ଗ୍ରାମରେ ଚଢଉ କରିଥିଲା । ଏହି ଚଢାଉରେ ଚୋରି ଗାଡିଟିକୁ ଜବତ କରିବା ସହ ଜଣଙ୍କୁ ଗିରଫ କରିଛି । ଏହି ସମୟ ଭିତରେ ପ୍ରାୟ ଦୁର୍ବୁତ୍ତ ୩୦ ବସ୍ତା ସିମେଣ୍ଟ ଗାଡିରୁ କାଢି ବିଭିନ୍ନ ସ୍ଥାନରେ ରଖିଥିଲା । ଯାହାକୁ ପରବର୍ତ୍ତୀ ସମୟରେ ପୋଲିସ ଜବତ କରିଥିବା ନେଇ ଏସଡ଼ିପିଓ ସୂଚନା ଦେଇଛନ୍ତି । ତେବେ ଜବତ ଗାଡି ସହ ସିମେଣ୍ଟର ମୂଲ୍ୟ ୧୦ ଲକ୍ଷ ଟଙ୍କା ହୋଇଥିବା ଜଣାପଡିଛି । ଏହାସହ ଗାଡି ଚୋରି କରିଥିବା ଦୁର୍ବୁତ୍ତ ଜଣକ ବିରମିତ୍ରପୁର ଅଞ୍ଚଳର ଫାକେଡେ ଓରାମ ବୋଲି ପୋଲିସ କହିଛି ।