ଦିଲ୍ଲୀରେ ଅସୁସ୍ଥ ଜୟନାରାୟଣ

ନୂଆଦିଲ୍ଲୀ: ବିଜେପି ବରିଷ୍ଠ ନେତା ତଥା ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର ପୁଣି ଥରେ ଅସୁସ୍ଥ ହୋଇ ପଡିଛନ୍ତି  । ଏକ କାର୍ଯ୍ୟକ୍ରମରେ ଯୋଗଦେବା ନେଇ ଦିଲ୍ଲୀ ଗସ୍ତ କରିଥିବାବେଳେ ସେଠାରେ ଅସୁସ୍ଥ ଅନୁଭବ କରିଥିଲେ  ।  ସେହି ସମୟରେ ସାଥି ବିଧାୟକ ତାଙ୍କୁ ଦିଲ୍ଲୀ ଏମ୍ସରେ ଭର୍ତ୍ତି କରିଛନ୍ତି  । ବର୍ତ୍ତମାନ ସେ ସମ୍ପୂର୍ଣ୍ଣ ସୁସ୍ଥ ନହୋଇଥିଲେ ମଧ୍ୟ ସାମାନ୍ୟ ସୁସ୍ଥ ଥିବା କହିଛନ୍ତି ବିଜେପି ବିଧାୟକ ମୋହନ ମାଝୀ  ।

ନୂଆଦିଲ୍ଲୀରେ ପିଏସି କମିଟିର ଶତବାର୍ଷିକୀ କାର୍ଯ୍ୟକ୍ରମରେ ଯୋଗଦେବାକୁ ରାଜ୍ୟରୁ ବରିଷ୍ଠ ବିଧାୟକ  ମାନେ ଗସ୍ତ କରିଥିଲେ  । ପରେ କାର୍ଯ୍ୟକ୍ରମ ସାରି ଓଡ଼ିଶା ଭବନରେ ରାତ୍ରୀ ଯାପନ କରିଥିଲେ  । ଠିକ୍ ଏହି ସମୟରେ ସମ୍ବଲପୁର ବିଧାୟକ ଜୟନାରାୟଣ ମିଶ୍ର ଅସୁସ୍ଥ ଅନୁଭବ କରିଥିଲେ  । ତେଣୁ ଉପସ୍ଥିତ ଅନ୍ୟ ବିଧାୟକ ତାଙ୍କୁ ଦିଲ୍ଲୀ ଏମସରେ ଭର୍ତ୍ତି କରାଇଥିଲେ  । ପାଖାପାଖି ୪ ଘଣ୍ଟା ଧରି ତାଙ୍କର ଚିକିତ୍ସା ହୋଇଥିଲା  । ସେ ସୁସ୍ଥ ହେଲେ ଓଡ଼ିଶା ଫେରିବେ ବୋଲି ସୂଚନା ଦେଇଛନ୍ତି ମୋହନ ମାଝୀ  ।