ନାଇଟ୍ କର୍ଫ୍ୟୁ ଗାଇଡ୍ ଲାଇନରେ ସଂଶୋଧନ, ପଢନ୍ତୁ କଣ ହେଲା ପରିବର୍ତ୍ତନ

ଜିରୋ ନାଇଟ, ନୂଆବର୍ଷ ପାଇଁ ଜାରି ହୋଇଥିବା ନାଇଟ୍ କର୍ଫ୍ୟୁ ଗାଇଡଲାଇନରେ ସଂଶୋଧନ ହୋଇଛି । ଏନେଇ ସଂଶୋଧିତ ବିଜ୍ଞପ୍ତି ଜାରିକଲେ ଏସ୍ଆରସି । ନାଇଟ୍ କର୍ଫ୍ୟୁ ସମୟରେ ଜରୁରୀ ସେବା ଅଧିକାରୀଙ୍କୁ ଅନୁମତି ମିଳିବ ।

ସରକାରୀ କର୍ମଚାରୀ, ଡାକ୍ତର, ପୋଲିସ୍‌ଙ୍କୁ କର୍ଫ୍ୟୁ ସମୟରେ ଅନୁମତି ମିଳିବ । ବିଦ୍ୟୁତ କର୍ମଚାରୀ, ଅଗ୍ନିଶମ ଓ ଟେଲିକମ କର୍ମଚାରୀଙ୍କୁ ମଧ୍ୟ ଅନୁମତି ମିଳିବ । ଗଣମାଧ୍ୟମ କର୍ମଚାରୀ ନିଜ ପରିଚୟପତ୍ର ଦେଖାଇ ଯାଇପାରିବେ । କୋଭିଡ ଟେଷ୍ଟିଂ ଓ ଟିକାକରଣ କେନ୍ଦ୍ର ଉପରେ ରହିବନି କଟକଣା । କର୍ଫ୍ୟୁ ସମୟରେ ଶିଳ୍ପାନୁଷ୍ଠାନ ଓ ନିର୍ମାଣ କାର୍ଯ୍ୟକୁ ଅନୁମତି ମିଳିବ । ଜାତୀୟ ରାଜପଥ କଡ ଢାବା ଓ ରେସ୍ତୋରାଁକୁ ଟେକ୍ଆୱେ ପାଇଁ ଅନୁମତି ମିଳିବ । ଖାଦ୍ୟ ସାମଗ୍ରୀର ହୋମଡେଲିଭରୀକୁ ଅନୁମତି ମିଳିବ ।