2ଟି ଉପାୟ ଦ୍ୱାରା ବିଜୁଳି ବିଲ କମ ହୋଇଯିବ

ବର୍ତ୍ତମାନ ସମୟରେ ପ୍ରାୟ ସମସ୍ତଙ୍କ ଘରେ ବିଦ୍ୟୁତ ସଂଯୋଗ ରହିଛି । ବିଜୁଳି ବିଲ୍ (Electricity Bill) ସର୍ବଦା ମାସିକ ଖର୍ଚ୍ଚର ଏକ ବଡ଼ ଅଂଶ ହୋଇଥାଏ । ଏହି ଖର୍ଚ୍ଚକୁ କମ୍ କରିବା ପାଇଁ ଆମେ ବିଜୁଳି ବ୍ୟବହାରକୁ ହ୍ରାସ କରିବାକୁ ଚେଷ୍ଟା କରିଥାଉ । କିନ୍ତୁ ସମୟର ଅଭାବ ଯୋଗୁଁ ଅନେକ ଥର ଆମେ ଏପରି ଜିନିଷ ପ୍ରତି ଧ୍ୟାନ ଦେଇ ନଥାଉ। ଆଜି ଆମେ ଆପଣଙ୍କୁ ବିଜୁଳି ବିଲ୍ ହ୍ରାସ କରିବାର ସହଜ ଉପାୟ ବିଷୟରେ କହିବାକୁ ଯାଉଛୁ । ଆସନ୍ତୁ ଜାଣିବା – ସାଧାରଣତଃ ଦେଖାଯାଏ ଯେ ଶୀତ ଋତୁରେ ବିଜୁଳି ବିଲ ଯଥେଷ୍ଟ ବଢ଼ି ଯାଇଥାଏ । ବିଦ୍ୟୁତ ବିଲରେ ବୃଦ୍ଧି ଅର୍ଥ ହେଉଛି ଆପଣଙ୍କ ବଜେଟ ବିଗିଡ଼ିବା । ଯଦି ଆପଣ ଅଧିକ ବିଦ୍ୟୁତ୍ ବିଲ୍ ସମସ୍ୟାର ସାମ୍ନା କରୁଛନ୍ତି, ତେବେ ଆପଣଙ୍କୁ କେବଳ ଘରର କିଛି ଉପକରଣ ବଦଳାଇବାକୁ ପଡିବ ।ଯଦି ଆପଣ ପୁରୁଣା ବଲ ବ୍ୟବହାର କରୁଛନ୍ତି, ତେବେ ସେଗୁଡ଼ିକୁ ଗୁଡବାୟ କୁହନ୍ତୁ । ଏହି ବଲ ଗୁଡିକ   ବିଜୁଳି ବିଲ୍ ଶୀଘ୍ର ବଢ଼ାଇଥାଏ । ସେଗୁଡ଼ିକରୁ ମୁକ୍ତି ପାଇ ଆପଣ ବିଦ୍ୟୁତ୍ ବ୍ୟବହାରକୁ ହ୍ରାସ କରିପାରିବେ । ଏହା ପରିବର୍ତ୍ତେ ଆପଣ ଘରେ ଏଲଇଡି ବଲ ବ୍ୟବହାର କରିବା ଆରମ୍ଭ କରନ୍ତୁ । ବିଦ୍ୟୁତ୍ ଉପଯୋଗକୁ ହ୍ରାସ କରି ଏଲଇଡି ବଲ ଆପଣଙ୍କୁ ଅଧିକ ବିଲ୍ ରୁ ରକ୍ଷା କରିପାରିବ ।

ସାଧାରଣତଃ ଲୋକମାନେ ଶୀତ ଦିନରେ ଗରମ ପାଇଁ ବିଭିନ୍ନ ଉପାୟ ଅବଲମ୍ୱନ କରିଥାଏ । ଶୀତ ଦିନରେ ହିଟରର ବ୍ୟବହାର ସାଧାରଣ ଅଧିକ ହୋଇଥାଏ । ଯଦି ଆପଣ ଏକ ଉଚ୍ଚ କ୍ଷମତା ସମ୍ପନ୍ନ ହିଟର ବ୍ୟବହାର କରୁଛନ୍ତି, ତେବେ ତୁରନ୍ତ ଏହାକୁ ହଟାନ୍ତୁ । ଉଚ୍ଚ କ୍ଷମତା ସମ୍ପନ୍ନ ହିଟର ବହୁ ବିଦ୍ୟୁତ୍ ଖର୍ଚ୍ଚ କରିଥାଏ ଓ ଏହାର ପ୍ରତ୍ୟକ୍ଷ ପ୍ରଭାବ ବିଲ୍ରେ ଦେଖାଯାଇଥାଏ । ହିଟର ବଦଳରେ ବ୍ଲୋୟର ବ୍ୟବହାର କରିବା ଅଧିକ ଲାଭଦାୟକ ହେବ । ବ୍ଲୋଅର୍ ସୁରକ୍ଷିତ ହେବା ସହିତ କମ୍ ବିଜୁଳି ଖର୍ଚ୍ଚ କରେ ।