ସାନଭାଇର ଶାବଳ ମାଡ଼ରେ ବଡ଼ ଭାଇ ମୃତ

ଦେବଗଡ଼ ୦୩।୦୨ : ଘରୋଇ କଳହର କରୁଣ ପରିଣତି। ଦେବଗଡ଼ ଆଦର୍ଶ ଥାନା ବଳମ ଗାଁରେ ସାନଭାଇର ଆକ୍ରମଣରେ ବଡଭାଇର ମୃତ୍ୟୁ ଅଭିଯୋଗ। ଦୁଇ ଭାଇଙ୍କ ମଧ୍ୟରେ ବିବାଦ ପରେ ବଡଭାଇକୁ ଶାବଳରେ ଆକ୍ରମଣ କରିଥିଲା ସାନଭାଇ ।

ଖବର ଅନୁଯାୟୀ, ବଳମ ଗାଁ ଶିବ ମନ୍ଦିର ସାହିର ଦୁଇଭାଇ ସନ୍ତୋଷ ଓ ଶୁକ୍ରୁଙ୍କ ମଧ୍ୟରେ ବୁଧବାର କୌଣସି କାରଣରୁ ଝଗଡା ହୋଇଥିଲା। ପରେ ଏହା ଉଗ୍ରରୂପ ନେଇଥିଲା । ସାନଭାଇ ଶୁକ୍ରୁ ହଠାତ୍ ନିକଟରେ ଥିବା ଏକ ଶାବଳରେ ବଡଭାଇ ସନ୍ତୋଷଙ୍କ ମୁଣ୍ଡକୁ ଆକ୍ରମଣ କରିଥିଲା । ଘଟଣାସ୍ଥଳରେ ହିଁ ସନ୍ତୋଷଙ୍କ ଜୀବନ ଚାଲିଯାଇଥିଲା । ରକ୍ତାକ୍ତ ଅବସ୍ଥାରେ ମୃତଦେହ ପଡି ରହିଥିବା ବେଳେ ଦେବଗଡ ଆଦର୍ଶ ଥାନା ଆଇଆଇସିଙ୍କ ନେତୃତ୍ଵରେ ପୋଲିସ ଟିମ ଘଟଣାସ୍ଥଳରେ ପହଞ୍ଚିଥିଲେ । ହତ୍ୟାକାଣ୍ଡ ନେଇ ପୋଲିସ ତଦନ୍ତ ଜାରି ରଖିଛି। ଅଭିଯୁକ୍ତ ସାନ ଭାଇକୁ ପୋଲିସ ଅଟକ ରଖି ପଚରାଉଚୁରା କରୁଛି ।