ଏଯାଏ ସ୍ୱତନ୍ତ୍ର ବିମାନରେ ଦିଲ୍ଲୀ ଫେରିଲେଣି ୭୫ରୁ ଅଧିକ ଓଡ଼ିଆ, ସୁରୁଖୁରୁରେ ଓଡିଶା ମାଟିକୁ ଫେରାଇ ଆଣିଥିବାରୁ ମୁଖ୍ୟମନ୍ତ୍ରୀଙ୍କୁ ଜଣାଇଲେ ଧନ୍ୟବାଦ

ୟୁକ୍ରେନ ୱାରଜୋନରୁ ଫେରୁଛନ୍ତି ଭାରତୀୟ । ଏଯାଏ ସ୍ୱତନ୍ତ୍ର ବିମାନରେ ଦିଲ୍ଲୀ ଫେରିଲେଣି ୭୫ରୁ ଅଧିକ ଓଡ଼ିଆ । ଆଜି ୩୫ରୁ ଅଧିକ ଓଡ଼ିଆ ଛାତ୍ରଛାତ୍ରୀ ନୂଆଦିଲ୍ଲୀରେ ଆସି ପହଞ୍ଚିଛନ୍ତି । ଆହୁରି ଅନେକ ଫସି ରହିଛନ୍ତି । ନାନା ସମସ୍ୟା ଭିତରେ ସେମାନେ ଥିବାରୁ ପରିବାର ଲୋକ ବି ବେଶ ଚିନ୍ତିତ । ଯୁଦ୍ଧ ଘନଘଟା ମଧ୍ୟରେ କିପରି ଦିନ କାଟୁଥିଲେ ସେକଥା ଜନ୍ମମାଟିରେ ପହଞ୍ଚିବା ପରେ ବଖାଣିଛନ୍ତି । ଉଦ୍ଧାରରେ ସାହାଯ୍ୟ ସହଯୋଗ ପାଇଁ ସେମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଦେଇଛନ୍ତି ।

ୟୁକ୍ରେନ ସ୍ଥିତି ବିଗିଡ଼ିବା ପରେ ଫେବୃଆରୀ ୨୬ ତାରିଖରୁ କେନ୍ଦ୍ର ସରକାର ଆରମ୍ଭ କରିଛନ୍ତି ଅପରେସନ ଗଙ୍ଗା। ବର୍ତ୍ତମାନ ସୁଦ୍ଧା ୨୪ ଟି ବିମାନରେ ଫେରିଲେଣି ଭାରତୀୟ। ୧୭ହଜାର ଭାରତୀୟଙ୍କୁ ସ୍ୱଦେଶ ଫେରାଇ ଆଣିବାକୁ ଲକ୍ଷ୍ୟ ରହିଛି।