ତୁର୍କୀର ବିକଶିତ ଡ୍ରୋନ ୟୁକ୍ରେନ ପାଇଁ ସାଜିଛି ରକ୍ଷାକବଚ

କିବ୍ : ୟୁକ୍ରେନ ଉପରେ ରୁଷର ଆକ୍ରମଣକୁ ୧୨ଦିନ ବିତିଗଲାଣି । ରୁଷର ଭୟଙ୍କର ଆକ୍ରମଣରେ ପୂର୍ବ ୟୁକ୍ରେନର ଅଧିକାଂଶ ଅଞ୍ଚଳ ଧ୍ବଂସସ୍ତୁପରେ ପରିଣତ ହୋଇଛି । ଏହା ସତ୍ତ୍ବେ ରାଜଧାନୀ କିବକୁ ଏପର୍ଯ୍ୟନ୍ତ ଦଖଲ କରିପାରିନାହିଁ ରୁଷର ମହା ଶକ୍ତିଶାଳୀ ସେନା । ରୁଷକୁ ପ୍ରବଳ ପ୍ରତିରୋଧ କରୁଛନ୍ତି ୟୁକ୍ରେନ ସେନା ଓ ସାଧାରଣ ଜନତା । ଏହି ଯୁଦ୍ଧରେ ରୁଷ ସେନା ପ୍ରବଳ କ୍ଷତିର ସମ୍ମୁଖୀନ ମଧ୍ୟ ହୋଇଛି । ରୁଷର ଅନେକ ସୈନ୍ୟ, ଯୁଦ୍ଧ ବିମାନ, ଟ୍ୟାଙ୍କ, ଯୁଦ୍ଧ ଯାନକୁ ଧ୍ବଂସ କରିବାରେ ସଫଳ ହୋଇଛି ୟୁକ୍ରେନ ସେନା । ଏପରିକି ଇନ୍ଧନ ନେଇ ଆସିଥିବା ରୁଷର ଦୁଇଟି ଟ୍ରେନକୁ ଧ୍ବଂସ କରିଦେଇଛି ୟୁକ୍ରେନ।