ପରିସ୍ଥିତି କୁ ଦେଖି ପରମାଣୁ ଆକ୍ରମଣ ହୋଇପାରେ- ରାଜନାଥ ସିଂହ
ରକ୍ଷାମନ୍ତ୍ରୀ ରାଜନାଥ ସିହଂ ଆଜି ପୋଖରାନରେ ଅଟଳବିହାରୀ ବାଜପେୟୀଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ଏହି ଅବସରରେ ରାଜନାଥ ସିଂହ କହିଛନ୍ତି ଆଗରୁ ଭାରତର ନୀତି ଥିଲା ପ୍ରଥମେ ଆମେ ପରମାଣୁ ଆକ୍ରମଣ କରିବୁନାହିଁ । ହେଲେ ଏବେ ସମୟ ବଦଳିଛି । ଏବଂ ପରମାଣୁ ଆକ୍ରମଣରୁ ନେଇ ଆମର ନିତୀ ମଧ୍ୟ ବଦଳିଛି । ଏବେ ପରିସ୍ଥିତି ଉପରେ ନିର୍ଭର କରୁଛି । ପ୍ରକାଶ ଥାଉକି, ଆଜି ଭାରତର ପୂର୍ବ ପ୍ରଧାନମନ୍ତ୍ରୀ ଅଟଳବିହାରୀ ବାଜପେୟୀଙ୍କୁ ଶ୍ରଦ୍ଧାଞ୍ଜଳି ଦେବାକୁ ରକ୍ଷାମନ୍ତ୍ରୀ ରାଜନାଥ ସିଂହ ପୋଖରାନ ପହଞ୍ଚିଥିଲେ । ସେଠାରେ ବାଜପେୟୀଙ୍କୁ ଶ୍ରଦ୍ଧାଞ୍ଜଳି ଦେବା ଅବସରରେ ପରମାଣୁ ବିଷୟରେ ଆଲୋଚନା କରିଥିଲେ । ମେ ମାସ 1998ରେ ପୋଖରନ ରେ ଅଟଳବିହାରୀ ବାଜପେୟୀଙ୍କ ପ୍ରଧାନମନ୍ତ୍ରୀତ୍ବ ସମୟରେ ପରମାଣୁ ପରୀକ୍ଷଣ ହୋଇଥିଲା ।
#WATCH: Defence Minister Rajnath Singh says in Pokhran, “Till today, our nuclear policy is ‘No First Use’. What happens in the future depends on the circumstances.” pic.twitter.com/fXKsesHA6A
— ANI (@ANI) August 16, 2019
ଅନ୍ୟପକ୍ଷରେ କାଶ୍ମୀରରୁ ଧାରା 370 ହଟିବା ପରେ ପାକିସ୍ତାନ ସହ ଭାରତର ସବୁ ପ୍ରକାର ସମ୍ପର୍କ ଛିନ୍ନ ହୋଇଯାଇଛି । ଏହାସହ ଦୁଇଦେଶ ମଧ୍ୟରେ ଯୁଦ୍ଧ ପରିସ୍ଥିତି ସୃଷ୍ଟି ହୋଇଛି । କିଛିଦିନ ହେଲା ପାକିସ୍ତାନ ଲଦାଖ ସୀମାରେ ଯୁଦ୍ଧ ବିମାନ ରଖିବା ପରଠାରୁ ସ୍ଥତି ଆହୁରୀ ଗମ୍ଭୀର ହୋଇଯାଇଛି । ଏହାକୁ ନେଇ ସ୍ଥଳସେନା ମୁଖ୍ୟ ବିପିନ ରାଓ୍ବତ କହିଛନ୍ତି କୌଣସି ପରିସ୍ଥିତି ପାଇଁ ଭାରତୀୟ ସେନା ସତର୍କ ରହିଛି ।