ଗାଭାସ୍କରଙ୍କ ନାମରେ ନାମିତ ହେବ ଲିଚେଷ୍ଟର କ୍ରିକେଟ୍ ପଡ଼ିଆ
ଲଣ୍ଡନ : ପୂର୍ବରୁ ପୂର୍ବତନ ଭାରତୀୟ କ୍ରିକେଟର୍ ସୁନୀଲ ଗାଭାସ୍କରଙ୍କ ନାମରେ ଆମେରିକାର କେଣ୍ଟକି ଓ ତାଞ୍ଜାନିଆର ଜାଞ୍ଜିବରରେ ଗୋଟିଏ ଲେଖାଏଁ ଖେଳପଡ଼ିଆ ନାମିତ ହୋଇଥିବା ବେଳେ ଏବେ ପୁୁଣି ଆଉଥରେ କ୍ରିକେଟର୍ ସୁନୀଲ ଗାଭାସ୍କରଙ୍କ ନାମରେ ନାମିତ ହେବାକୁ ଯାଉଛି ଇଂଲଣ୍ଡର ଲିଚେଷ୍ଟର କ୍ରିକେଟ୍ ପଡ଼ିଆ। ପ୍ରଥମ ଭାରତୀୟ କ୍ରିକେଟର୍ ଭାବେ ଗାଭାସ୍କରଙ୍କ ନାମରେ ଇଂଲଣ୍ଡ କିମ୍ବା ୟୁରୋପର କୌଣସି ଦେଶର ଏକ ପଡ଼ିଆର ନାମ ରଖାଯିବାକୁ ଯାଉଛି।
ବର୍ତ୍ତମାନ ଇଂଲଣ୍ଡରେ ଥିବା ୭୩ ବର୍ଷୀୟ ଗାଭାସ୍କର ନିଜ ପ୍ରତିକ୍ରିୟାରେ କହିଛନ୍ତି ଲିଚେଷ୍ଟର ପଡ଼ିଆ ତାଙ୍କ ନାମରେ ନାମିତ ହେବାକୁ ଯାଉଥିବାରୁ ସେ ବେଶ୍ ଖୁସି ଅଛନ୍ତି। ଏହା ତାଙ୍କ ସହ ଭାରତୀୟ କ୍ରିକେଟ୍ ନିମନ୍ତେ ଗର୍ବର ବିଷୟ। ଗାଭାସ୍କର ଆଜି ଲିଚେଷ୍ଟର ଯାଇ ଏହି ସ୍ବତନ୍ତ୍ର କାର୍ଯ୍ୟକ୍ରମରେ ଉପସ୍ଥିତ ରହିଛନ୍ତି। ଗାଭାସ୍କରଙ୍କ ଏକ ବିରାଟ ଚିତ୍ର ଲିଚେଷ୍ଟର ପଡ଼ିଆର କାନ୍ଥରେ ଅଙ୍କା ଯାଇଥିବା ଜଣାପଡ଼ିଛି।