ବିଧାୟକ ମହମ୍ମଦ ମୋକିମ ଓ ସୁର ରାଉତରାୟଙ୍କୁ ସୋ କଜ୍ ନୋଟିସ୍: ୭ ଦିନ ଭିତରେ ଉତ୍ତର ରଖିବାକୁ ନିର୍ଦ୍ଦେଶ
କଂଗ୍ରେସ ବିଧାୟକ ମହମ୍ମଦ ମୋକିମ ଓ ସୁରେଶ ରାଉତରାୟଙ୍କୁ ସୋ କଜ୍ ନୋଟିସ୍। କଂଗ୍ରେସ ଶୃଙ୍ଖଳା କମିଟି ଉଭୟ ନେତାଙ୍କୁ ନୋଟିସ୍ ଜାରି କରିଛି। ୭ଦିନ ଭିତରେ ଉତ୍ତର ରଖିବାକୁ ରହିଛି ନିର୍ଦ୍ଦେଶ । ପଦ୍ମପୁର ଉପ ନିର୍ବାଚନ ଫଳାଫଳକୁ ନେଇ ଦୁଇ ନେତା ଦଳ ବିରୋଧରେ ଦେଇଥିବା ମନ୍ତବ୍ୟ ଉପରେ ସେମାନଙ୍କୁ ନୋଟିସ ହୋଇଛି । ଏହା ମାଧ୍ୟମରେ ୨୦୨୪ ପୂର୍ବରୁ ବିଶୃଙ୍ଖଳାକାରୀଙ୍କୁ ପାର୍ଟି ବଡ଼ ବାର୍ତ୍ତା ଦେବାକୁ ପ୍ରୟାସ କରିଛି ।
୨୦୧୯ରେ ପଦ୍ମପୁର ଉପ ନିର୍ବାଚନରେ କଂଗ୍ରେସ ୩୨ ହଜାର ଭୋଟ୍ ପାଇଥିଲା। କିନ୍ତୁ ପଦ୍ମପୁର ଉପ ନିର୍ବାଚନରେ କଂଗ୍ରେସର ୨୮ ହଜାର ଭୋଟ୍ କୁଆଡେ ଗଲା ତାହାକୁ ନେଇ ତମ୍ବିତୋଫାନ ହେଉଛି। କିନ୍ତୁ ବ୍ରଜରାଜନଗର ଉପ ନିର୍ବାଚନରେ ୨୦୧୯ ତୁଳନାରେ ବିଜେପି ୪୫ ହଜାର ୮୮୮ କମ୍ ଭୋଟ୍ ପାଇଛି । ଅମାନତ ହରାଇଥିଲେ ବିଜେପି ପ୍ରାର୍ଥୀ ରାଧାରାଣୀ ପଣ୍ଡା। କିନ୍ତୁ ପଦ୍ମପୁର ଉପ ନିର୍ବାଚନ କଂଗ୍ରେସ ଭୋଟ୍ କୁଆଡେ ଗଲା ବୋଲି ଯେତିକି ଚର୍ଚ୍ଚା ହେଉଛି, ସେହି ଅନୁସାରେ ରାଧାରାଣୀଙ୍କ ଭୋଟ୍ କୁଆଡେ ଗଲା ତାହା ଚର୍ଚ୍ଚା ହୋଇନଥିଲା।