ଆଜିଠୁ ଆରମ୍ଭ ହେଲା ଡଟ୍ ଫେଷ୍ଟ, ଉଦ୍ଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଭୁବନେଶ୍ୱର ଡଟ୍ ଫେଷ୍ଟ ଉଦ୍ଘାଟିତ । ୯ ଦିନିଆ ଡଟ୍ ଫେଷ୍ଟ ଉଦ୍ଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଅବସରରେ ଓଡ଼ିଶାବାସୀଙ୍କୁ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ । କହିଛନ୍ତି ମନ୍ଦିରମାଳିନୀ ସହର ଭୁବନେଶ୍ୱର ଆଜି ଚର୍ଚ୍ଚାରେ ରହିଛି । ସଂସ୍କୃତି କ୍ଷେତ୍ରରେ ଓଡ଼ିଶା ସାରା ଦେଶରେ ସର୍ବାଗ୍ରେ ବୋଲି କହିଥିଲେ ମୁଖ୍ୟମନ୍ତ୍ରୀ ।’ଭୁବନେଶ୍ୱରର ପ୍ରଦର୍ଶନୀ ପଡ଼ିଆରେ ଆଜିଠୁ ଆରମ୍ଭ ହୋଇଛି ଡଟ୍ ଫେଷ୍ଟ । ଜମିବ ବଲିଉଡ୍, ଓଲିଉଡ୍ ସେଲିବ୍ରିଟିଙ୍କ ନାଚ ଗୀତର ଆସର । ପ୍ରତିଦିନ ଡଟ୍ ଫେଷ୍ଟକୁ ଝୁମାଇବ ବଲିଉଡ୍ ସେଲିବ୍ରିଟିଙ୍କ ଡ୍ୟାନ୍ସ ଓ ସଙ୍ଗୀତ । ସନ୍ଧ୍ୟାରେ ନାଚ ଗୀତ ସାଙ୍ଗକୁ ଜମିବ ଖାଦ୍ୟପେୟର ଆସର । ୧୬ରୁ ଅଧିକ ଦେଶର ଷ୍ଟ୍ରିଟ୍ ଫୁଡ୍ର ମଜା ନେଇପାରିବେ ଦର୍ଶକ । ଏକାଥରକେ ୭ହଜାର ୬୦୦ ଦର୍ଶକ ବସି କାର୍ଯ୍ୟକ୍ରମ ଦେଖିପାରିବେ। ଏହାସାଙ୍ଗକୁ ଏକାମ୍ର ହାଟରେ ନାଇଟ୍ ବଜାର ମଧ୍ୟ ଆରମ୍ଭ ହେବ। ଅପରାହ୍ନ ୪ଟାରୁ ରାତି ୧୨ଟା ଯାଏ ଚାଲିବ କିଣାବିକା। ୧୫ରୁ ୨୯ ତାରିଖ ପର୍ଯ୍ୟନ୍ତ ଚାଲିବ କାର୍ଯ୍ୟକ୍ରମ