ସର୍ବଭାରତୀୟ ଆନ୍ତଃ ଏନ୍ଆଇଟି କ୍ରୀଡ଼ା ମହୋତ୍ସବ’ ଶେଷ
ରାଉରକେଲା: ରାଉରକେଲାସ୍ଥ ଜାତୀୟ ପ୍ରଯୁକ୍ତି ପ୍ରତିଷ୍ଠାନ(ଏନ୍ଆଇଟି)ରେ ଚାଲିଥିବା ତିନିଦିନିଆ ‘ସର୍ବଭାରତୀୟ ଆନ୍ତଃ ଏନ୍ଆଇଟି କ୍ରୀଡ଼ା ମହୋତ୍ସବ’ ଉଦ୍ଯାପିତ ହୋଇଛି। ଏଥିରେ ରାଉରକେଲା ଏନ୍ଆଇଟି ଉତ୍କୃଷ୍ଟ ପ୍ରଦର୍ଶନ କରିଛି। ରାଉରକେଲା ଏନଆଇଟି ଦଳ ଉଭୟ ପୁରୁଷ ଓ ମହିଳା ବର୍ଗର ଖୋଖୋ ପ୍ରତିଯୋଗିତା ଚାମ୍ପିଅନ ହୋଇଛି। ଏହାସହ ଫୁଟବଲ(ପୁରୁଷ) ଓ ଗୋଷ୍ଠି ସନ୍ତରଣ(ମହିଳା)ରେ ଦ୍ବିତୀୟ ସ୍ଥାନ ଦଖଲ କରିଛି। ଫୁଟବଲ ପ୍ରତିଯୋଗିତାରେ ଏନଆଇଟି ଅରୁଣାଚଳ ପ୍ରଦେଶ ଚାମ୍ପିଅନ ହୋଇଥିବାବେଳେ ଗୋଷ୍ଠି ସନ୍ତରଣ(ପୁରୁଷ)ରେ ଏନ୍ଆଇଟି ଟ୍ରିଚି, ଗୋଷ୍ଠି ସନ୍ତରଣ(ମହିଳା)ରେ ଏନ୍ଆଇଟି ନାଗପୁର ପ୍ରଥମ ସ୍ଥାନ ଦଖଲ କରିଛନ୍ତି।