‘ଦୁର୍ନୀତି ଭାରତ ଛାଡ଼, ବଂଶବାଦ ଭାରତ ଛାଡ଼’: ବିରୋଧୀଙ୍କୁ ପ୍ରଧାନମନ୍ତ୍ରୀ ମୋଦୀଙ୍କ ବିଦ୍ରୂପ
ନୂଆଦିଲ୍ଲୀ: ଆଜିର ଦିନରେ ବ୍ରିଟିସ୍ ସରକାର ବିରୋଧରେ ମହାତ୍ମା ଗାନ୍ଧୀ ଦେଇଥିବା ‘ଭାରତ ଛାଡ଼’ ଡାକରା ସ୍ମରଣ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, ସମ୍ପ୍ରତି ଭାରତ ଏକତ୍ର ହୋଇ ଦୁର୍ନୀତି, ବଂଶବାଦ ଓ ତୁଷ୍ଟୀକରଣର ବିରୋଧ କରୁଛି। ଆଜି ଟୁଇଟ୍ କରି ପ୍ରଧାନମନ୍ତ୍ରୀ ଲେଖିଛନ୍ତି: ‘ଭାରତ ଛାଡ଼ ଆନ୍ଦୋଳନ’ରେ ଭାଗ ନେଇଥିବା ମହାପୁରୁଷମାନଙ୍କ ପ୍ରତି ଶ୍ରଦ୍ଧାଞ୍ଜଳି। ଔପନିବେଶୀୟ ଶାସନରୁ ଭାରତକୁ ମୁକ୍ତ କରିବାରେ ଗାନ୍ଧୀଜୀଙ୍କ ନେତୃତ୍ବରେ ହୋଇଥିବା ଏହି ଆନ୍ଦୋଳନ ପ୍ରମୁଖ ଭୂମିକା ଗ୍ରହଣ କରିଥିଲା।