ଆଜିଠୁ ଆରମ୍ଭ ହେଉଛି ‘ଶୂନ୍ୟ ମୃତ୍ୟୁ ସପ୍ତାହ’
ଆସନ୍ତା ସାତ ଦିନ ଭିତରେ ରାଜ୍ୟରେ ଗୋଟିଏ ବି ସଡ଼କ ଦୁର୍ଘଟଣା ଜନିତ ମୃତ୍ୟୁ ହେବନି । ଏଥିପାଇଁ ଆଜିଠୁ ଆରମ୍ଭ ହେବ ଦୁର୍ଘଟଣାଜନିତ ମୃତ୍ୟୁ ଶୂନ୍ୟ ସପ୍ତାହ (ଜିରୋ ଫଟାଲିଟି ଉଇକ୍) । ଏହି ଅଭିଯାନ ୭ ତାରିଖ ପର୍ଯ୍ୟନ୍ତ ଚାଲିବ । ଏଥିପାଇଁ ପ୍ରତ୍ୟେକ ବିଭାଗକୁ ସଜାଗ ରହିବାକୁ ରାଜ୍ୟ ପରିବହନ ପ୍ରାଧିକରଣ (ଏସ୍ଟିଏ) ପକ୍ଷରୁ କୁହାଯାଇଛି । ଶୂନ୍ୟ ସପ୍ତାହ ପାଳନ କରିବା ସମୟରେ ବିଭିନ୍ନ ପ୍ରବର୍ତ୍ତନ ଅଭିଯାନ ଚାଲିବ।
ଜାଣନ୍ତୁ କେଉଁ ଦିନ କଣ ପଦକ୍ଷେପ ନିଆଯିବ:
୨ ତାରିଖ ଅପରାହ୍ଣ ୩ଟାରୁ ରାତି ୧୧ଟା ପର୍ଯ୍ୟନ୍ତ ମଦ୍ୟପ ଗାଡ଼ି ଚାଳକଙ୍କୁ ଧରିବା ପାଇଁ ପଦକ୍ଷେପ ନିଆଯିବ।
୩ ତାରିଖ ଅପରାହ୍ଣ ୩ ଟାରୁ ରାତି ୧୧ଟା ପର୍ଯ୍ୟନ୍ତ ମଦ୍ୟପ ଗାଡ଼ି ଚାଳକ ଏବଂ ଓଭର୍ଲୋଡିଂ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ।
୪ ତାରିଖ ସକାଳ ୯ଟାରୁ ଦିନ ୧ଟା ପର୍ଯ୍ୟନ୍ତ ନାବାଳକ/ନାବାଳିକା ଗାଡ଼ି ଚାଳକ ଏବଂ ଦ୍ରୁତଗତିରେ ଗାଡ଼ି ଚଳାଉଥିବା ଚାଳକଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ । ଅପରାହ୍ଣ ୩ ଟାରୁ ସଂଧ୍ୟା ୭ ଟା ମଧ୍ୟରେ ହେଲମେଟ୍ ନପିନ୍ଧି ଗାଡ଼ି ଚଳାଉଥିବା ଚାଳକଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ।
୫ ତାରିଖ ଅପରାହ୍ଣ ୩ଟାରୁ ରାତି ୧୧ଟା ପର୍ଯ୍ୟନ୍ତ ଭୁଲ୍ ପାଶ୍ୱର୍ରେ ଗାଡ଼ି ଚଳାଉଥିଲେ, ବେଆଇନ ଭାବେ ପାର୍କିଂ କରିଥିଲେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ।
୭ ତାରିଖରେ ସକାଳ ୯ ଟାରୁ ୧ଟା ଏବଂ ଅପରାହ୍ଣ ୩ ଟାରୁ ସଂଧ୍ୟା ୭ଟା ପର୍ଯ୍ୟନ୍ତ ଦ୍ରୁତଗତିରେ ଗାଡ଼ି ଚଳାଇବା, ଗାଡ଼ି ଚଳାଇବା ବେଳେ ମୋବାଇଲ୍ ଫୋନ୍ର ବ୍ୟବହାର, ବିନା ହେଲ୍ମେଟ୍ରେ ଗାଡ଼ି ଚଳାଇବା ଏବଂ ନାବାଳକ ଗାଡ଼ି ଚାଳକଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ବୋଲି ଏସ୍ଟିଏର ସହକାରୀ କମିସନର (ଏନ୍ଫୋର୍ସମେଣ୍ଟ) ଲାଲ୍ମୋହନ ସେଠୀ ସୂଚନା ଦେଇଛନ୍ତି ।
ସେହିପରି ନାବାଳକଙ୍କ ଦ୍ୱାରା ଗାଡି ଚଳାଇବା, ମାଲବାହୀ ଗାଡି କିମ୍ବା ସ୍କୁଲ ବସରେ ଓଭରଲୋଡିଂ ଏବଂ ମାଲବାହୀ ଗାଡିରେ ଯାତ୍ରୀଙ୍କୁ ନେବା ପାଇଁ ପରିବହନ ବିଭାଗର ସ୍ୱତନ୍ତ୍ର ଏନଫୋର୍ସମେଣ୍ଟ ଅଭିଯାନ ରହିବ । ଏପରିକି ଗାଡ଼ିର ରାସ୍ତା ର ସତ୍ୟତା ଯାଞ୍ଚ କରାଯିବ, ଯେଉଁଥିରେ ବ୍ୟାକ ଲାଇଟ୍, ବ୍ରେକ ଲାଇଟ୍, ସାଇଡ ଇଣ୍ଡିକେଟର ଏବଂ ଆର୍ୟୁପିଡି ଓ ଏସ୍ୟୁପିଡି ଲଗାଇବା ଆଦି ଯାଞ୍ଚ କରାଯିବ ।
ବ୍ଲାକ ସ୍ପଟ ରେ ଏନ୍ଫୋର୍ସମେଣ୍ଟ କାର୍ଯ୍ୟକଳାପ, ରାଜପଥ ପାଟ୍ରୋଲିଂକୁ ସୁଦୃଢ଼ କରିବା, ଟ୍ରାଫିକ ଉଲ୍ଲଂଘନକାରୀଙ୍କୁ ସଚେତନ କରିବା, ଫାଷ୍ଟ ରେସ୍ପଣ୍ଡର, ଆମ୍ବୁଲାନ୍ସ ଓ ଟ୍ରମା କେୟାର ସେଣ୍ଟର ମଧ୍ୟରେ ତୁରନ୍ତ ଯୋଗାଯୋଗ, ସର୍ବସାଧାରଣ ସ୍ଥାନରେ ପରିତ୍ୟକ୍ତ ମୋଟର ଯାନକୁ ହଟାଇବା, ମଦ୍ୟପାନ କରି ଗାଡ଼ି ଚଳାଇବା ପାଇଁ ସହିଷ୍ଣୁତା ଅଭିଯାନ କରାଯିବ ନାହିଁ। ସ୍ୱାସ୍ଥ୍ୟ ବିଭାଗ ପକ୍ଷରୁ ଜିପିଏସ ଆଧାରିତ ୧୦୮ ଆମ୍ବୁଲାନ୍ସ ସେବା, ଟ୍ରମା ରୋଗୀଙ୍କୁ ୪୮ ଘଣ୍ଟିଆ ମାଗଣା ଚିକିତ୍ସା, ଦୁର୍ଘଟଣାପୀଡ଼ିତଙ୍କୁ ରକ୍ତ ବ୍ୟବସ୍ଥାରେ ସହଯୋଗ କରୁଥିବା ଗୋଷ୍ଠୀଗୁଡ଼ିକୁ ନିୟମିତ ଭାବେ ସଚେତନ କରିବା ଏବଂ ଏସେମେସ ଜରିଆରେ ପ୍ରାଥମିକ ପ୍ରତିକ୍ରିୟା ପ୍ରଦାନକାରୀଙ୍କୁ ସକ୍ରିୟ କରାଯିବ।
ରାସ୍ତା ଏଜେନ୍ସି-ଏନଏଚଏଆଇ/କାର୍ଯ୍ୟ ବିଭାଗ ଖାଲ ଉଚ୍ଛେଦ ଓ ବ୍ଲାକସ୍ପଟ ସୁଧାରିବା, ଜାତୀୟ ରାଜପଥ ଓ ଏସେଚ୍ରୁ ଗଛ କାଟିବା ଓ ରାସ୍ତାରେ ଷ୍ଟ୍ରିଟ ଲାଇଟ କୁ ଠିକ ଭାବେ କାର୍ଯ୍ୟକାରୀ କରିବା ଦିଗରେ କାର୍ଯ୍ୟ କରିବ। ଲେନ ଡ୍ରାଇଭିଂ ସମ୍ପର୍କରେ ଡ୍ରାଇଭରମାନଙ୍କୁ ମୌଳିକ ପ୍ରଶିକ୍ଷଣ ଦେବା ପାଇଁ ଏନେଚ ଓ ଏସଏଚ ଓଏସାର୍ଟିସିରୁ ବେଆଇନ ଜବରଦଖଲ ଉଚ୍ଛେଦ ପାଇଁ ଶିକ୍ଷା ବିଭାଗ ପକ୍ଷରୁ ବିଦ୍ୟାଳୟ ଓ କଲେଜ, ଗୃହ ନିର୍ମାଣ ଓ ନଗର ଉନ୍ନୟନ (ଏସେମ୍ସି)ରେ ସଚେତନତା ଶିବିର ଆୟୋଜନ କରାଯିବ।