ଭାରତର ପ୍ରତ୍ୟେକ ନାଗରିକ ହିନ୍ଦୁ -ମୋହନ ଭାଗବତ
ଉତ୍ତର ପ୍ରଦେଶର ବରେଲୀ ରୁହେଲଖଣ୍ଡ ବିଶ୍ୱବିଦ୍ୟାଳୟରେ “ଭବିଷ୍ୟର ଭାରତ ରାଷ୍ଟ୍ରୀୟ ସ୍ୱୟଂ ସେବକ ସଂଘର ଦୃଷ୍ଟିକୋଣ” ଶୀର୍ଷକ ଉପରେ ବ୍ୟାଖ୍ୟାନ ଦେଇଛନ୍ତି ମୋହନ ଭାଗବତ । ଏହି ଅବସରରରେ ସେ ଅନେକ ପ୍ରସଙ୍ଗ ଉପରେ ନିଜର ଖୋଲା ମତ ରଖିଥିଲେ । ସେ ଏହି କାର୍ଯ୍ୟକ୍ରମରେ ସମ୍ୱିଧାନରୁ ଆରମ୍ଭ କରି ହିନ୍ଦୁତ୍ୱ ଉପରେ ନିଜର ମତ ରଖିଛନ୍ତି ।
ସେ କହିଛନ୍ତି ସମ୍ବିଧାନ ଆମକୁ କହୁଛି ଯେ ଭାବନାତ୍ମକ ଏକୀକରଣ ଆଣିବା ପାଇଁ ଚେଷ୍ଠା କରିବା ଦରକାର । କିନ୍ତୁ ଭାବନା କ’ଣ ? ଏହି ଭାବନା ହେଉଛି-ଏହି ଦେଶ ଆମର, ଆମେ ଆମର ମହାନ ପୂର୍ବଜଙ୍କ ବଂଶଜ ଏବଂ ଆମକୁ ଆମର ବିବିଧତା ମଧ୍ୟରେ ଏକ ସଙ୍ଗରେ ରହିବାକୁ ହେବ । ଏହାକୁ ହିଁ ଆମେ ହିନ୍ଦୁତ୍ୱ କହୁଛୁ ।
ଭାଗବତ କହିଛନ୍ତି, ଯେତେବେଳେ ଆରଏସଏସର କର୍ଯ୍ୟକର୍ତ୍ତା କହୁଛନ୍ତି ଯେ ଏହି ଦେଶ ହିନ୍ଦୁଙ୍କ ଏବଂ 130 କୋଟି ହିନ୍ଦୁ ଅଟନ୍ତି, ତେବେ ଏହାର ଅର୍ଥ ଏହା ନୁହେଁ ଯେ ଆମେ କାହାର ଧର୍ମ, ଭାଷା ଏବଂ ଜାତିକୁ ପରିବର୍ତ୍ତନ କରିବାକୁ ଚାହୁଁଛୁ । ଆମେ ସମ୍ୱିଧାନରୁ ବାହାରେ ଅନ୍ୟ କିଛି କ୍ଷମତାର କେନ୍ଦ୍ର ଚାହୁଁନୁ କାରଣ ଆମେ ଏହା ଉପରେ ବିଶ୍ୱାସ କରୁଛୁ ।
RSS chief Mohan Bhagwat: Constitution says we should try to bring emotional integration. But what is the emotion? That emotion is-this country belongs to us, we are descendant of our great ancestors & we have to live together despite our diversity. This is what we call Hindutva. pic.twitter.com/fUTaxNyVBh
— ANI (@ANI) January 19, 2020
ଜନସଂଖ୍ୟା ନିୟନ୍ତ୍ରଣ ଅନୁସାରେ ଦୁଇ ପିଲାର ଆଇନକୁ ଆରଏସଏସର ସମର୍ଥନର ଖବରକୁ ନେଇ ଭାଗବତ କହିଛନ୍ତି, ଅନେକ ସ୍ଥାନରେ ଏହା ପ୍ରକାଶିତ କରାଯାଇଥିଲା ଯେ ମୁଁ ସମସ୍ତଙ୍କୁ ଦୁଇଟି ପିଲା ଜନ୍ମ କରିବାକୁ କହିଥିଲି କିନ୍ତୁ ମୁଁ ଏପରି କିଛି କହି ନ ଥିଲି । ମୁଁ କହିଥିଲି ଜନସଂଖ୍ୟା ସମସ୍ୟା ସହ ସଂଶାଧନ ମଧ୍ୟ ରହିଛି, ଏହି କାରଣରୁ ଏହି ସମ୍ବନ୍ଧରେ ଏକ ନୀତି ପ୍ରସ୍ତୁତ କରାଯିବା ଦରକାର । ସେ କହିଛନ୍ତି ଯେ ସରକାରଙ୍କ ନୀତି ନିର୍ଧାରଣ କରିବ ଯେ ଜଣେ ବ୍ୟକ୍ତିକୁ କେତେ ପିଲା ଦରକାର ।