କିସରେ ଆୟୋଜିତ ହୋଇଛି ଅଭିଭାବକ ସମ୍ମିଳନୀ, ପ୍ରତିଷ୍ଠାତା ଶ୍ରୀ ସାମନ୍ତଙ୍କ ପ୍ରୟାସକୁ ପ୍ରଶଂସା କଲେ ଅଭିଭାବକ
ଭୁବନେଶ୍ୱର : ପ୍ରତିବର୍ଷ କିସ୍ ଅଭିଭାବକଙ୍କୁ ନେଇ ବିରାଟ ଅଭିଭାବକ ସମ୍ମିଳନୀ ହୋଇଥାଏ । ଚଳିତ ବର୍ଷ ଅଭିଭାବକଙ୍କ ପ୍ରତିନିଧିମାନଙ୍କୁ ନେଇ ଆଜି କିସରେ ଏକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏଥିରେ ହଜାରେରୁ ଊର୍ଦ୍ଧ୍ବ ଅଭିଭାବକ ପ୍ରତିନିଧି ଯୋଗଦେଇ ଜନଜାତିଙ୍କ ବିକାଶରେ କିସର ଭୂମିକାକୁ ଭୂୟସୀ ପ୍ରଶଂସା କରିଥିଲେ ।
କିସ୍ ପ୍ରତିଷ୍ଠାତା ଡକ୍ଟର ଅଚ୍ୟୁତ ସାମନ୍ତଙ୍କ ପ୍ରୟାସ ଯୋଗୁଁ ହଜାର ହଜାର ଜନଜାତି ଛାତ୍ରଛାତ୍ରୀ ଆଜି ଗୁଣାତ୍ମକ ଶିକ୍ଷା ପାଇ ବିକାଶର ମୁଖ୍ୟ ସ୍ରୋତରେ ସାମିଲ ହୋଇ ପାରିଛନ୍ତି ବୋଲି ଅଭିଭାବକମାନେ କହିଥିଲେ। ସେମାନେ କହିିଛନ୍ତି ୧୯୯୩ ମସିହାରେ କିସ୍ ଯଦି ଅଚ୍ୟୁତ ସାମନ୍ତଙ୍କ ପ୍ରୟାସ ଯୋଗୁଁ ଆରମ୍ଭ ହୋଇ ନଥାନ୍ତା ତାହେଲେ ଆଜି ହଜାର ହଜାର ଜନଜାତି ଛାତ୍ରଛାତ୍ରୀ ମାଓବାଦ ପ୍ରତି ଆକୃଷ୍ଟ ହୋଇଥାନ୍ତେ କିମ୍ବା ଶିକ୍ଷା ବିନା ଦାରିଦ୍ର୍ୟ ମଧ୍ୟରେ କାଳାତିପାତ କରୁଥାନ୍ତେ ।
ଆଜି ସେମାନେ କିସ୍ ଯୋଗୁଁ ମଣିଷ ହୋଇପାରିଛନ୍ତି । କିସ୍ ଆଜି ଏକ ଆନ୍ଦୋଳନରେ ପରିଣତ ହୋଇଛି। ବ୍ୟାପକ ବ୍ୟବସ୍ଥା ସହ ଉନ୍ନତ ଭିତ୍ତିଭୂମି ପାଇଁ କିସ୍ ର ଶହ ଜନଜାତି ପିଲା ପାଠପଢ଼ି ଆଜି ଅଫିସର ହୋଇଛନ୍ତି କିମ୍ବା ଅନ୍ୟ କ୍ଷେତ୍ରରେ କାର୍ଯ୍ୟ କରୁଛନ୍ତି । କିସ୍ ରେ ଯୋଗ ଦେଇ ଜନଜାତି ପିଲାମାନେ ଉଚ୍ଚଶିକ୍ଷା ସହ ନିଯୁକ୍ତି ପାଇପାରୁଛନ୍ତି । ଏଥିପାଇଁ ସେମାନେ ପ୍ରତିଷ୍ଠାତା ଶ୍ରୀ ସାମନ୍ତଙ୍କ ପ୍ରୟାସକୁ ପ୍ରଶଂସା କରିଥିଲେ।