ଜାତୀୟ ଯୁବ ଦିବସ ପାଳନ

ରାୟଗଡ଼ା: ପ୍ରୟତ୍ନ ସଂସ୍ଥା ଦ୍ୱାରା ରାୟଗଡ଼ା ଜିଲ୍ଲା ପିପଲିଗୁଡ଼ା ଗ୍ରାମ ପଞ୍ଚାୟତ ଅଧୀନସ୍ଥ ଜାଙ୍ଗଲି ଗାଁର ସହିଦ ଲକ୍ଷ୍ମଣ ନାୟକ ଯୁବ ପ୍ରଶିକ୍ଷଣ କେନ୍ଦ୍ରରେ ଜାତୀୟ ଯୁବ ଦିବସ କାର୍ଯ୍ୟକ୍ରମ ଉଦଯାପି ହୋଇଯାଇଛି। ଏହି ଅବସରରେ ପ୍ରକଳ୍ପ କାର୍ଯ୍ୟକ୍ଷେତ୍ରର ଗ୍ରାମଗୁଡ଼ିକର ଯୁବକ-ଯୁବତୀମାନଙ୍କ ପାଇଁ ଏକ ଭଲିବଲ ଟୁର୍ଣ୍ଣାମେଣ୍ଟ ଆୟୋଜନ କରାଯାଇଥିଲା।
ଏହି ଟୁର୍ଣ୍ଣାମେଣ୍ଟରେ ୧୨ଟି ଗ୍ରାମରୁ ୧୨ଟି ଦଳ ପ୍ରତିନିଧିତ୍ୱ କରି ୮୪ ଜଣ ଯୁବକ-ଯୁବତୀ ଅଂଶଗ୍ରହଣ କରିଥିଲେ। ଏହି କାର୍ଯ୍ୟକ୍ରମର ଉଦ୍ଦେଶ୍ୟ ଯୁବମାନଙ୍କ ମଧ୍ୟରେ ଶାରୀରିକ ସୁସ୍ଥତା, ଦଳୀୟ କାର୍ଯ୍ୟ, ଶିଷ୍ଟାଚାର ଓ ନେତୃତ୍ୱ ଗୁଣ ବିକାଶ କରିବା ସହିତ ସମୁଦାୟ ଉନ୍ନତିରେ ସକାରାତ୍ମକ ଭାଗିଦାରୀକୁ ପ୍ରୋତ୍ସାହିତ କରିବା ଥିଲା। ଏହି କାର୍ଯ୍ୟକ୍ରମରେ ପିପଲିଗୁଡ଼ା ଗ୍ରାମ ପଞ୍ଚାୟତର ସରପଞ୍ଚ ସିନା ଜିଲାକାରା, ନାୟବ ସରପଞ୍ଚ, ୱାର୍ଡ ସଦସ୍ୟ ଓ ଗ୍ରାମ ସେବା କମିଟିର ସଦସ୍ୟ ଏବଂ ପ୍ରୋଜେକ୍ଟ ମାନେଗେର କାହ୍ନୁଚରଣ ମଲିକ  ଉପସ୍ଥିତ ରହି ଯୁବମାନଙ୍କୁ ଉତ୍ସାହିତ କରିଥିଲେ।   ଭଲିବଲ ଟୁର୍ଣ୍ଣାମେଣ୍ଟରେ ଜାଙ୍ଗଲି ଗାଁର ଦଳ ବିଜେତା ହୋଇଥିବାବେଳେ କରୁବାଇ ଗାଁର ଦଳ ଉପବିଜେତା ହୋଇଥିଲେ। ଉଭୟ ଦଳକୁ ତାଙ୍କର ଉତ୍କୃଷ୍ଟ ପ୍ରଦର୍ଶନ ପାଇଁ ଟ୍ରଫି ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ ପ୍ରାୟ ୨୦୦ ଜଣ ସମୁଦାୟ ସଦସ୍ୟ ଉପସ୍ଥିତ ଥିଲେ, ଯାହା ଯୁବ-ନେତୃତ୍ୱାଧୀନ କାର୍ଯ୍ୟକଳାପ ପ୍ରତି ସମୁଦାୟର ଆଗ୍ରହ ଓ ସମର୍ଥନକୁ ପ୍ରତିବିମ୍ବିତ କରେ। ଜାତୀୟ ଯୁବ ଦିବସର ଏହି ଉଦ୍‌ଯାପନ ଯୁବମାନଙ୍କ ପାଇଁ ଆତ୍ମବିଶ୍ୱାସ ବିକାଶ, ଏକତା ସୁଦୃଢ଼ କରିବା ଓ ସୁସ୍ଥ ଏବଂ ଗଢ଼ିତ କାର୍ଯ୍ୟକଳାପ ଅପନାଇ ସାର୍ବିକ ବିକାଶରେ ଆଗେଇ ଆସିବା ପାଇଁ ଏକ ପ୍ରେରଣାଦାୟକ ମଞ୍ଚ ଭାବେ କାର୍ଯ୍ୟ କରିଥିଲା।