ଜରିମାନା ଗଣିଲେ ମଦ୍ୟପ

ଭୁବନେଶ୍ୱର: ପୌର ନିର୍ବାଚନକୁ ନଜରରେ ରଖି ପୋଲିସର ଧରପଗଡ଼ । ରାସ୍ତା ଉପରେ ସର୍ବସାଧାରଣ ସ୍ଥାନରେ ମଦ ପିଉଥିବା ଲୋକଙ୍କ ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରୁଛି କମିଶନରେଟ୍ ପୋଲିସ । ଭୁବନେଶ୍ୱରର ଖୋଲା ସ୍ଥାନରେ ମଦ୍ୟପାନ ଓ ବିଭିନ୍ନ ଖଟିରେ ଚଢ଼ାଉ କରି ପ୍ରାୟ ୨୦୦ ମଦୁଆଙ୍କ ଠାରୁ ୫୦୦ ଟଙ୍କା ଲେଖାଏଁ ଜରିମାନା ଆଦାୟ କରିଛି କମିଶନରେଟ୍ ପୋଲିସ । ୬୮ ଖଟିରେ ଚଢ଼ାଉ କରି ୧୨ ଖଟିକୁ ଭାଙ୍ଗିଲା ପୋଲିସ । ଖଟି କରୁଥିବା ୯୨ ଜଣଙ୍କ ଠାରୁ ୫୦୦ ଟଙ୍କା ଲେଖିଏ ଜରିମାନା ଆଦାୟ କରିଛି ପୋଲିସ । ନିର୍ବାଚନ ସମୟରେ କୌଣସି ହିଂସାକୁ ପ୍ରଶୟ ଦିଆଯିବ ନାହିଁ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି ।

ଅନ୍ୟପକ୍ଷରେ ଭୁବନେଶ୍ବର ମହାନଗର ନିଗମର ୪୫ ନମ୍ବର ୱାର୍ଡ ପାଇଁ ନାମାଙ୍କନ ଦାଖଲ କରିଛନ୍ତି ପୂର୍ବତନ କର୍ପୋରେଟର ଅମରେଶ ଜେନା । ବିଜେଡି ପ୍ରାର୍ଥୀ ଭାବେ ଏଥର ବି ନିର୍ବାଚନ ଲଢ଼ୁଛନ୍ତି ଅମରେଶ । ଚିନ୍ତାମଣେଶ୍ୱର ମନ୍ଦିରରୁ ବିରାଟ ବାଇକ ଶୋଭାଯାତ୍ରାରେ ସମର୍ଥକଙ୍କ ସହ ବଡ଼ଗଡ଼ କେନାଲ ରୋଡ଼ ଦେଇ ପଦଯାତ୍ରା କରି ଭୁବନେଶ୍ୱର ADM ଅଫିସରେ ପହଞ୍ଚି ନାମାଙ୍କନ ଭରିଛନ୍ତି । ୱାର୍ଡକୁ ରାଜଧାନୀର ଏକ ନମ୍ବର ୱାର୍ଡ କରିବା ଲକ୍ଷ୍ୟ ନେଇ ସେ ନିର୍ବାଚନ ଲଢ଼ୁଥିବା କହିଛନ୍ତି । ସେପଟେ ପୂର୍ବତନ ଡେପୁଟି ମେୟର କେ.ଶାନ୍ତି ମଧ୍ୟ ବିରାଟ ପଟୁଆରରେ ଯାଇ ନାମାଙ୍କନ ଭରିଛନ୍ତି । ୫୬ ନମ୍ବର ୱାର୍ଡ ପାଇଁ ନାମାଙ୍କନ ଭରିଛନ୍ତି କେ. ଶାନ୍ତି ।