ତୃତୀୟ ଥର ବିବାହ କରିବାକୁ ନେଇ ପ୍ରସ୍ତୁତ ହେଉଛନ୍ତି ଆମୀର

ମୁମ୍ବଇ: ଏବେ ବିବାହ ସିଜିନ୍ ଚାଲିଛି । କିଛିଦିନ ତଳେ ରାଜକୁମାର ରାଓ ଏବଂ ପତ୍ରଲେଖା ବିବାହ କରି ନିଜର ନୂତନ ଜୀବନ ଆରମ୍ଭ କରିଛନ୍ତି ଏବଂ ବର୍ତ୍ତମାନ ସମସ୍ତଙ୍କ ଆଖି କ୍ୟାଟ୍ରିନା କୈଫ ଏବଂ ଭିକି କୌଶଲଙ୍କ ବିବାହ ଉପରେ ରହିଛି, ଯାହା ଡିସେମ୍ବର ମାସରେ ହେବ । କିନ୍ତୁ ବର୍ତ୍ତମାନ ଖବର ଆସୁଛି ଯେ ଅମୀର ଖାନ ମଧ୍ୟ ତୃତୀୟ ଥର ବିବାହ କରିବାକୁ ଯାଉଛନ୍ତି । ନିକଟରେ ଅମୀର ଖାନ  ପତ୍ନୀ କିରଣରାଓଙ୍କୁ ଛାଡପତ୍ର ଦେଇଥିଲେ । ସେହି ସମୟ ମଧ୍ୟରେ ଦୁହେଁ ଏକ ମିଳିତ ବୟାନ ଜାରି କରି କହିଥିଲେ ଯେ ବର୍ତ୍ତମାନ ଆମେ ଦୁହେଁ ସ୍ୱାମୀ-ସ୍ତ୍ରୀ ନୋହୁଁ କିନ୍ତୁ ଆମେ କୋ-ପେରେଣ୍ଟସ ଏବଂ ପରସ୍ପରର ପରିବାର ସହିତ ଜଡିତ ରହିବୁ । ଅମୀର ଖାନ ଏବଂ କିରଣ ରାଓଙ୍କ ଏହି ବୟାନ ଲୋକଙ୍କୁ ଆଶ୍ଚର୍ଯ୍ୟ କରିଥିଲା ।  ଏଥି ସହିତ, ସୋସିଆଲ ମିଡିଆରେ ଏବେ ଏକ ଆଲୋଚନା ହେଉଛି ଯେ ଅମୀର ଖାନ ତୃତୀୟ ଥର ବିବାହ କରିବାକୁ ଯୋଜନାକରୁଛନ୍ତିଏବଂଅଭିନେତା ଖୁବ୍ ଶୀଘ୍ର ତୃତୀୟ ବିବାହ କରୁଥିବାର ନଜର ଆସୁଛି। ଏହା ମଧ୍ୟ ଦାବି ହେଉଛି ଯେ ଅମିର ଖାନ ନିଜର ଆଗାମୀ ଫିଲ୍ମ ‘ଲାଲ ସିଂ ଖଡ୍ଡା’ର ରିଲିଜ ପରେ ବିବାହ କରିବାକୁ ଘୋଷଣା କରିବେ । ଏହି ଫିଲ୍ମ ଆସନ୍ତା ବର୍ଷ ଏପ୍ରିଲରେ ରିଲିଜ ହେବ । ଏହି କାରଣରୁ, ବିଶ୍ୱାସ କରାଯାଏ ଯେ ଅମୀର ଖାନ ଆସନ୍ତା ବର୍ଷ ଏପ୍ରିଲରେ ପ୍ରଶଂସକଙ୍କୁ ନିଜ ବିବାହ ବିଷୟରେ ସୂଚନା ଦେଇପାରନ୍ତି । କେବଳ ଏତିକି ନୁହେଁ, ଯଦି ଗୁଜ୍ଜବକୁ ବିଶ୍ୱାସ କରାଯାଏ, ତେବେ ଅମୀର ଖାନ ତାଙ୍କର ଜଣେ କୋ-ଷ୍ଟାରଙ୍କ ସହିତ ନିଜର ତୃତୀୟ ବିବାହ କରିବେ । ଅମୀର ଖାନ ଏବଂ କିରଣ ରାଓଙ୍କ ହଠାତ୍ ଛାଡପତ୍ର ପରେ ଅଭିନେତ୍ରୀ ଫାତିମା ସାନା ଶେଖ ସୋସିଆଲ ମିଡିଆରେ ଟ୍ରୋଲ ହୋଇଥିଲେ । ଫାତିମା ଅମିର ଖାନଙ୍କ ସହ ‘ଦଙ୍ଗଲ’ ଏବଂ ‘ଥଗ୍ସ ଅଫ୍ ହିନ୍ଦୁସ୍ତାନ’ରେ ନଜର ଆସିଥିଲେ। ଏକ ଗୁଜବ ଥିଲା ଯେ ଅମୀର ଖାନ ଏବଂ ଫାତିମା ସାନା ଶେଖ ରିଲେସେନସିପରେ ଅଛନ୍ତି । ଯଦିଓ ଧୀରେ ଧୀରେ ଏହି ଗୁଜବ ଶାନ୍ତ ପଡିଯାଇଥିଲା ।ଅମୀର ଖାନ ବର୍ତ୍ତମାନ ପର୍ଯ୍ୟନ୍ତ ଦୁଇଥର ବିବାହ କରି ସାରିଛନ୍ତି। ଅଭିନେତା ପ୍ରଥମେ ୧୯୮୭ ରେ ରିନାଦତ୍ତାଙ୍କୁ ବିବାହ କରିଥିଲେ। ୨୦୦୨ ମସିହାରେ ଉଭୟ ଛାଡପତ୍ର ଦେଇ ଦେଇଥିଲେ । ଏହା ପରେ ଅମୀର ଖାନ କିରଣ ରାଓଙ୍କ ହାତ ଧରିଥିଲେ, କିନ୍ତୁ ଉଭୟଙ୍କ ମଧ୍ୟରେ ସମ୍ପର୍କ ମଧ୍ୟ ବେଶୀ ଦିନ ରହି ନ ଥିଲା। ଅମୀର ଖାନଙ୍କର ଇରା ଖାନ, ଜୁନେଦ ଖାନ ଏବଂ ଆଜାଦ ରାଓ ଖାନ ନାମକ ତିନୋଟି ସନ୍ତାନ ଅଛନ୍ତି ।