କୁଆଡେ ଗଲେ ବାବୁସାନ୍ ? ଚେନ୍ନାଇରୁ ଫେରିଲା ‘ଦମନ’ ଟିମ୍
ଭୁବନେଶ୍ୱର ୨୬।୦୭ : କୁଆଡେ ଗଲେ ବାବୁସାନ୍ ? ଚେନ୍ନାଇରୁ ଫେରିଲା ‘ଦମନ’ ଟିମ୍ । ହେଲେ ସେଥିରେ ନାହାନ୍ତି ବାବୁସାନ୍ । ୨୪ ତାରିଖ ରାତି ୧୦ ଟାରେ ବାବୁସାନ୍ ହୋଟେଲ୍ ଛାଡିଥିବା ସୂଚନା । ଫେରିବା ପାଇଁ ଟିକେଟ୍ ହୋଇଥିଲା, କିନ୍ତୁ ଆସିଲେନି ବାବୁଶାନ୍ । ଏମିତିକି ଚେନ୍ନାଇର ଉତ୍କଳ ସମାଜର କାର୍ଯ୍ୟକ୍ରମରେ ଯୋଗ ଦେଇନଥିଲେ ବାବୁସାନ ବୋଲି କହିଛନ୍ତି।
ନିର୍ଦ୍ଦେଶକ ଦେବୀ ପ୍ରସାଦ ଲେଙ୍କା କହିଛନ୍ତି ଯେ, ଗତ ୨୩ ତାରିଖ ସକାଳେ ଆମେ ଏକାଠି ଚେନ୍ନାଇ ଯାଇଥିଲୁ । ବାବୁସାନ୍ ଆମ ସହ ଥିଲେ । ଆସନ୍ତା ଦୁର୍ଗାପୂଜାରେ ଫିଲ୍ମ ରିଲିଜ୍ ହେବ । ସେଠାରେ ଉତ୍କଳ ଆସୋସିଏସନ ଅଫ୍ ମାଡ୍ରାସ୍’ ଆୟୋଜିତ ଉତ୍କଳ ଦିବସ ଉତ୍ସବରେ ଫିଲ୍ମ ପ୍ରମୋଶନ କରାଯିବାର ଯୋଜନା ଥିଲା । କିନ୍ତୁ ସେଦିନ ଅପ୍ରୀତିକର ସ୍ଥିତି ଯୋଗୁଁ ଏବେ ପରିବେଶ ବିଗିଡି଼ ଯାଇଛି । ତେଣୁ ତାଙ୍କୁ ପ୍ରମୋଶନରେ ଯୋଗ ଦେବାକୁ ଆମେ ମନା କରିଥିଲୁ । ପ୍ରକୃତି ଉକ୍ତ ଫିଲ୍ମରେ ଅଭିନୟ କରୁନାହାନ୍ତି । ସେ ଟିମ୍ ସଦସ୍ୟ ମଧ୍ୟ ନୁହେଁ । କିନ୍ତୁ ସେ ବ୍ୟକ୍ତିଗତ ଭାବେ ବାବୁସାନ୍ଙ୍କ ସହ ଚେନ୍ନାଇ ଯାଇଥିଲେ ।