ଭୋପାଳରେ ହେବ ଗ୍ରୁପ୍ କ୍ୟାପଟେନ ବରୁଣ ସିଂହଙ୍କ ଅନ୍ତିମ ସଂସ୍କାର

ନୂଆଦିଲ୍ଲୀ ୧୭/୧୨: ଭାରତୀୟ ବାୟୁସେନା ଗ୍ରୁପ୍ କ୍ୟାପଟେନ୍ ବରୁଣ ସିଂହଙ୍କ ଆଜି ଅନ୍ତ୍ୟେଷ୍ଟି । ଶୁକ୍ରବାର ସକାଳ ୧୧ଟାରେ ମଧ୍ୟପ୍ରଦେଶରେ ପୂର୍ଣ୍ଣ ସାମରିକ ସମ୍ମାନ ସହିତ ଅନୁଷ୍ଠିତ ହେବ । ସୂଚନାନୁସାରେ, ବୀରଗଡର ବିଶ୍ରାମ ଘାଟରେ ଶୌର୍ଯ୍ୟ ଚକ୍ର ପୁରସ୍କାର ପ୍ରାପ୍ତ ଗ୍ରୁପ୍ କ୍ୟାପଟେନ ବରୁଣ ସିଂହଙ୍କ ଅନ୍ତିମ ସଂସ୍କାର କରାଯିବ ।

ଏହାପୂର୍ବରୁ ତାଙ୍କ ମୃତଦେହକୁ ଗୁରୁବାର ଦିନ ବାଙ୍ଗାଲୋରରୁ ଏକ ସ୍ୱତନ୍ତ୍ର ବିମାନ ଯୋଗେ ଭୋପାଳକୁ ଅଣାଯାଇଥିଲା । ଅନ୍ୟ ଜନ ପ୍ରତିନିଧୀ, ସେନା ଏବଂ ପ୍ରଶାସନିକ ଅଧିକାରୀ ତଥା ସାଧାରଣ ନାଗରିକଙ୍କ ବ୍ୟତୀତ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ, ରାଜ୍ୟ ବିଜେପି ସଭାପତି ବିଷ୍ଣୁଦତ୍ତ ଶର୍ମା ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ୮ ଡିସେମ୍ବରରେ ତାମିଲନାଡୁରେ ହେଲିକପ୍ଟର ଦୁର୍ଘଟଣାରେ ଗ୍ରୁପ୍ କ୍ୟାପଟେନ ବରୁଣ ସିଂ ଗୁରୁତର ଆହତ ହୋଇଥିଲେ ।

ଚପ୍ପରରେ ଦେଶର ପ୍ରଥମ ସିଡିଏସ୍ ଜେନେରାଲ୍ ବିପିନ ରାୱତ, ତାଙ୍କ ପତ୍ନୀ ଏବଂ ଅନ୍ୟ ୧୧ ଜଣ ସେନା ଅଧିକାରୀ ମଧ୍ୟ ଏହି ହେଲିକପ୍ଟରରେ ଥିଲେ । ବରୁଣ ସିଂଙ୍କୁ ବେଙ୍ଗାଲୁରୁର ଏକ ଡାକ୍ତରଖାନାକୁ ଚିକିତ୍ସା ପାଇଁ ପଠାଯାଇଥିଲା ଯେଉଁଠାରେ ସେ ବୁଧବାର ଶେଷନିଶ୍ୱାସ ତ୍ୟାଗ କରିଥିଲେ ।