ଜଟଣୀ ବିଜେପି ପକ୍ଷରୁ ଥାନା ଆଗରେ ବିକ୍ଷୋଭ, ମମିତାଙ୍କୁ ନ୍ୟାୟ ଦାବି

ଜଟଣୀ, ୮।୧୧: ଜଟଣୀ ବିଜେପି ପକ୍ଷରୁ ଆଜି ସାନ୍ଧ୍ୟାରେ ମମିତା ମେହେରଙ୍କୁ ନ୍ୟାୟ ଦାବିରେ ଜଟଣୀ ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା l ଏଇ ବିକ୍ଷୋଭରେ ଜଟଣୀ ବିଜେପିର ବିଧାୟକ ପାର୍ଥି ଥିବା ବିଶ୍ୱରଂଜନ ବଡ଼ଜେନାଙ୍କ ନେତୃତରେ ବହୁ ବିଜେପି କର୍ମୀ ଯୋଗଦେଇଥିଲେ ।

ମମିତା ମେହେରଙ୍କୁ ତୁରନ୍ତ ନ୍ୟାୟ ନମିଳିଲେ ଆଗାମୀ ଦିନରେ ଆନ୍ଦୋଳନ ଜୋରଦାର ହେବବୋଲି ବିଜେପି ନେତା ବଡ଼ଜେନା କହିଛନ୍ତି l କିଛି ସମୟ ପାଇଁ ଜଟଣୀ ମୁଖ୍ୟରାସ୍ତାରେ ଯାନବାହାନ ଚଳାଚଳରେ ବାଧାପ୍ରାପ୍ତ ହୋଇଥିଲା ।