ବିଜେପିରେ ପ୍ରତିଷ୍ଠା ଦିବସରେ ଶାହ ଓ ମୋଦିଙ୍କ ଟ୍ୱିଟ୍
ଆଜି ବିଜେପି ପାଳୁଛି ପ୍ରତିଷ୍ଠା ଦିବସ । 1980 ଏପ୍ରିଲ 6 ତାରିଖ ଦିନ ଭାରତୀୟ ଜନତା ପାର୍ଟି ପ୍ରତିଷ୍ଠା ହୋଇଥିଲା । 1951ରେ ଶ୍ୟାମା ପ୍ରସାଦ ମୁଖାର୍ଜୀ ଭାରତୀୟ ଜନସଂଘ ପାର୍ଟିର ପ୍ରତିଷ୍ଠା କରିଥିଲେ । 1977ରେ ଜରୁରୀକାଳୀନ ସମୟରେ ଅନ୍ୟଦଳରେ ଜନସଂଘର ବିଲୟ ହୋଇଥିଲା ଏବଂ ଜନତା ଦଳ ଆରମ୍ଭ ହୋଇଥିଲା । ଜନତା ଦଳ 1977ରେ କଂଗ୍ରେସ ଠାରୁ କ୍ଷମତା ଛଡାଇ ନେଇଥିଲା ଏବଂ 1980ରେ ଜନତା ପାର୍ଟି ବିଭାଜିତ ହୋଇ ଭାରତୀୟ ଜନତା ପାର୍ଟିର ଜନ୍ମ ହୋଇଥିଲା । ବିଜେପିର ପ୍ରତିଷ୍ଠା ଦିବସ ଅବସରରେ ବିଜେପି କାର୍ଯ୍ୟାଳୟରେ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଛି । ଏହି ଅବସରରେ କେନ୍ଦ୍ରମନ୍ତ୍ରୀ ଅରୁଣ ଜେଟଲୀ ଓ ରାମଲାଲ ପ୍ରମୁଖ ଉପସ୍ଥିତ ରହିବେ । ତେବେ ନିର୍ବାଚନୀ ପ୍ରଚାର କାରଣରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅମିତ ଶଶହ ଏଥିରେ ସାମିଲ ହେବେ ନାହିଁ ।
The @BJP4India stands tall due to it’s democratic ethos and patriotic zeal. This is a Party that is always on the ground, at the forefront of helping fellow Indians. Our development work has endeared the Party to all sections of society, across the length and breadth of India.
— Chowkidar Narendra Modi (@narendramodi) April 6, 2019
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଦଳର କର୍ମକର୍ତ୍ତାଙ୍କୁ ଶୁଭେଚ୍ଛା ଜଣାଇଛନ୍ତି , ସେ କହିଛନ୍ତି ଯେ, ବିଜେପି ନିଜର ଲୋକତାନ୍ତ୍ରିକ ମୂଲ୍ୟ ଓ ଦେଶଭକ୍ତି ଭାବନା କାରଣରୁ ବଡ ଗର୍ବରେ ଠିଆ ହୋଇଛି । ଏହା ଏକ ଏପରି ଦଳ ଯାହାକି ଦେଶବାସୀଙ୍କ ପାଇଁ ସବୁ ବେଳେ ଠିଆ ହୋଇଥିବା ମୋଦି କହିଛନ୍ତି ।
आइये इस महत्त्वपूर्ण समय पर एक क्षण भी आराम करे बिना और अधिक परिश्रम करके ‘सशक्त भाजपा-सशक्त भारत’ के संकल्प के साथ प्रधानमंत्री नरेंद्र मोदी जी के नेतृत्व वाले नये भारत का निर्माण करें।
आप सभी को भाजपा के स्थापना दिवस की हार्दिक शुभकामनाएं।
— Chowkidar Amit Shah (@AmitShah) April 6, 2019
ଏହି ଅବସରରେ ବିଜେପି ରାଷ୍ଟ୍ରୀଅ ଅଧ୍ୟକ୍ଷ ଅମିତ ଶାହ ଦଳର କର୍ମକର୍ତ୍ତାଙ୍କୁ ଶୁଭେଚ୍ଛା ଜଣାଇଛନ୍ତି । ଶାହ ଟ୍ୱିଟ କରି କହିଛନ୍ତି ଯେ, ବିଜେପି ଏକ ଏପରି ସଙ୍ଗଠନ ଯାହା ନିକଟରେ ଅସଂଖ୍ୟ କର୍ମକର୍ତ୍ତା ରହିଛନ୍ତି ଯେଉଁମାନଙ୍କର ପରିବାର ନାହିଁ ଏବଂ ସେମାନେ ବିଜେପିକୁ ହିଁ ନିଜର ପରିବାର ଭାବିଥାନ୍ତି । ସେମାନଙ୍କର ତ୍ୟାଗ, ତପସ୍ୟା ଓ ବଳିଦାନ କାରଣରୁ ଆଜି ଦଳ ଏଠାରେ ପହଞ୍ଚିଛି ।