ଘରୋଇ ବସ୍ ସଂଘର ଚେତାବନୀ, ଦାବି ପୂରଣ ନେହେଲେ ଜୁନ୍ ୩୦ ରାତିରୁ ଗଡ଼ିବନି ବସ୍
ଭୁବନେଶ୍ୱର, ୧୧।୦୬: ଜୁନ ୩୦ ରାତି ପରେ ରାଜ୍ୟରେ ଗଡିବନି ଘରୋଇ ବସ । ୯ ଦଫା ଦାବି ପୂରଣ ନେହେଲେ ରାଜ୍ୟର ସମସ୍ତ ଘରୋଇ ବସ ଚଳାଚଳ ବନ୍ଦ ରଖିବାକୁ ନିଷ୍ପତି ନେଇଛି ରାଜ୍ୟ ଘରୋଇ ବସ ମାଲିକ ସଙ୍ଘ । ରାଜ୍ୟ ବସ କାର୍ଯ୍ୟକାରିଣୀ ବୈଠକରେ ରାଜ୍ୟ ସରକାରଙ୍କ ନିକଟରେ ୯ ଦଫା ଦାବି ଜଣାଇଛି ସଂଘ ।
ବସ ପରମିଟକୁ ତୃତୀୟ ପକ୍ଷକୁ ହସ୍ତାନ୍ତର, ବସ ବଡ଼ିକୋଡ଼ ଆଇନ, ବସ ଗୁଡିକରେ ଫିଟନେସ ଅବଧୀ ବଲବତ୍ତର ଥିବା ସତ୍ୱେ ସ୍ଥାୟୀ ପରମିଟ ଦିଆଯାଉନାହିଁ । ଡିଜିଟାଲ ନମ୍ବର ପ୍ଲେଟକୁ ବିରୋଧ ଭଳି ଦାବି ଜଣାଇଛନ୍ତି । ତେଣୁ ଏହି ଦାବି ଯଦି ନ ପୂରଣ ହୁଏ ତେବେ ଆସନ୍ତା ଜୁନ ୩୦ ରାତି ପରେ ସମସ୍ତ ବସ ଚଳାଚଳ ବନ୍ଦ ରହିବାକୁ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ରାଜ୍ୟ ଘୋରଇ ବସ ମାଲିକ ସଙ୍ଘ ।