ଥାଇଲାଣ୍ଡ-କାମ୍ବୋଡିଆଙ୍କ ସୀମା ବିବାଦରେ ଟ୍ରମ୍ପଙ୍କ ଏଣ୍ଟ୍ରି, ଯୁଦ୍ଧବିରତି ପାଇଁ ରାଜି ହେଲେ ଉଭୟ ଦେଶ

ଥାଇଲାଣ୍ଡ-କାମ୍ବୋଡିଆଙ୍କ ଯୁଦ୍ଧ ମଧ୍ୟରେ ଏଣ୍ଟ୍ରି କରିଛନ୍ତି ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଟ୍ରମ୍ପଙ୍କ ସହ ଆଲୋଚନା ପରେ ଉଭୟ ଦେଶ ଯୁଦ୍ଧବିରତି ପାଇଁ ରାଜି ହୋଇଛନ୍ତି । ଯାହାର ଘୋଷଣା ଟ୍ରମ୍ପ କରିଛନ୍ତି ।

ଉଭୟ ଦେଶଙ୍କ ସହ ଆଲୋଚନା ପରେ ଡୋନାଲ୍ଡ ଟ୍ରମ୍ପ ସୋସିଆଲ ମିଡିଆ ପେଜରେ ପୋଷ୍ଟ କରିଛନ୍ତି ।ଯେଉଁଥିରେ ଟ୍ରମ୍ପ ଲେଖିଛନ୍ତି ଯେ, ’’ମୁଁ କାମ୍ବୋଡିଆର ପ୍ରଧାନମନ୍ତ୍ରୀଙ୍କ ସହ ଭଲ ଆଲୋଚନା କରିଥିଲି ଏବଂ ଥାଇଲ୍ୟାଣ୍ଡର ପ୍ରଧାନମନ୍ତ୍ରୀଙ୍କ ସହ ମୋର ଆଲୋଚନା ବିଷୟରେ ତାଙ୍କୁ ଜଣାଇଥିଲି । ଉଭୟ ପକ୍ଷ ତୁରନ୍ତ ଯୁଦ୍ଧବିରତି ଏବଂ ଶାନ୍ତି ଚାହାଁନ୍ତି । ଏହା ସହିତ ସେମାନେ ଆମେରିକା ସହିତ “ବ୍ୟବସାୟିକ ଆଲୋଚନା” କରିବାକୁ ମଧ୍ୟ ଚାହାଁନ୍ତି । ଯାହା ଯୁଦ୍ଧ ବନ୍ଦ ନହେବା ପର୍ଯ୍ୟନ୍ତ ଆମେରିକା ଅନୁମତି ଦେବ ନାହିଁ ବୋଲି ମନେ କରୁଛି ।

ସେମାନେ ତୁରନ୍ତ ସାକ୍ଷାତ କରି ଏକ ଯୁଦ୍ଧବିରତି ଏବଂ ଶେଷରେ ଶାନ୍ତି ସ୍ଥାପନ କରିବାକୁ ରାଜି ହୋଇଛନ୍ତି । ତେଣୁ ଉଭୟ ଦେଶ ସହିତ ବ୍ୟବସାୟ କରିବା ଏକ ସମ୍ମାନର କଥା । ସେମାନଙ୍କର ଗର୍ବିତ ଇତିହାସ ଏବଂ ସଂସ୍କୃତି ଅଛି । ଏହା ବ୍ୟତୀତ ଆଶା କରୁଛି ସେମାନେ ଆଗାମୀ ଅନେକ ବର୍ଷ ପର୍ଯ୍ୟନ୍ତ ଏକାଠି କାମ କରିବେ । ଯେତେବେଳେ ସବୁକିଛି ସରିଯିବ ଏବଂ ଶାନ୍ତି ପ୍ରତିଷ୍ଠା ହେବ, ମୁଁ ଉଭୟ ଦେଶ ସହିତ ମୋର ବାଣିଜ୍ୟ ଚୁକ୍ତିନାମାକୁ କରିବାକୁ ଅପେକ୍ଷା କରିଛି ।’’ଟ୍ରମ୍ପଙ୍କ ପୃଥକ ଆଲୋଚନା ପରେ ଯୁଦ୍ଧବିରତି ପାଇଁ ଉଭୟ ଦେଶ ରାଜି ହୋଇଥିଲେ ।