ଗର୍ଭାବସ୍ଥାରେ ପିଅନ୍ତୁ ପଇଡ ପାଣି
ପଇଡ ପାଣିରେ ଭିଟାମିନ୍ ଏବଂ ମିନେରାଲ୍ସ ଭରପୂର ମାତ୍ରାରେ ରହିଥାଏ।ତେଣୁ ଗର୍ଭାବସ୍ଥାରେ ପଇଡ ପାଣି ପିଇବା ଅତ୍ୟନ୍ତ ଲାଭଦାୟକ ଅଟେ।ଏହାଛଡା ଡାକ୍ତରମାନେ ମଧ୍ୟ ପଇଡ ପାଣି ପିଇବାକୁ ପରାମର୍ଶ ଦିଅନ୍ତି। ପଇଡ ପାଣିରେ ଭିଟାମିନ୍ ସି ମାତ୍ରା ଭଲ ପରିମାଣରେ ମିଳିଥାଏ । ଏହା ବ୍ୟତୀତ ଅଧିକ ମାତ୍ରାରେ ମ୍ୟାଗ୍ନେସିୟମ୍, ପୋଟାସିୟମ୍, ସୋଡିୟମ୍ ଏବଂ କ୍ୟାଲସିୟମ ମଧ୍ୟ ଅଛି ।ପଇଡ ପାଣି ଶରୀରକୁ ସୁସ୍ଥ ରଖିଥାଏ। କାରଣ ଏଥିରେ କ୍ଲୋରାଇଡ୍ ଇଲେକ୍ଟ୍ରୋଲାଇଟ୍ ମଧ୍ୟ ରହିଥାଏ । ଯାହା ଗର୍ଭାବସ୍ଥାରେ ଅନେକ ସମସ୍ୟାରୁ ମୁକ୍ତି ପାଇବାରେ ସାହାଯ୍ୟ କରିଥାଏ । ପଇଡ ପାଣି ମଧ୍ୟ ଶିଶୁର ବିକାଶ ପାଇଁ ଅତ୍ୟନ୍ତ ଲାଭଦାୟକ ଅଟେ । ବିଶେଷ କରି ଗ୍ରୀଷ୍ମ ଦିନରେ ପଇଡ ପାଣି ପିଇବା ପରାମର୍ଶଦାୟକ, ଏହା ଶରୀରରେ ଜଳର ଅଭାବ ପୂରଣ କରେ, ଆସନ୍ତୁ ଜାଣିବା ଗର୍ଭାବସ୍ଥାରେ ପଇଡ ପାଣି ପିଇବାର ଉପକାରିତା ।
କୋଷ୍ଠକାଠିନ୍ୟରୁ ମୁକ୍ତି- ପଇଡ ପାଣି ପିଇବା ଦ୍ୱାରା ଗର୍ଭାବସ୍ଥାରେ କୋଷ୍ଠକାଠିନ୍ୟ ଦୂର ହୋଇଥାଏ । ପ୍ରାୟତ ଗର୍ଭାବସ୍ଥାରେ ହଜମ ପ୍ରକ୍ରିୟା ଠିକ୍ ସେ ହୋଇନଥାଏ। ଏଥିପାଇଁ ମହିଳାମାନେ କୋଷ୍ଠକାଠିନ୍ୟର ସମସ୍ୟା ସମୁଖୀନ ହୋଇଥାନ୍ତି। ଯଦି ଆପଣ ପ୍ରତିଦିନ ପଇଡ ପାଣି ପିଉଛନ୍ତି, ତେବେ ଆପଣ କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ପାଇପାରିବେ।
ଥକ୍କାପଣ ଦୂର କରନ୍ତୁ- ଯଦି ଆପଣ ସକାଳୁ ଉଠନ୍ତି ଏବଂ କ୍ଳାନ୍ତ ଅନୁଭବ କରନ୍ତି, ତେବେ ନିୟମିତ ଭାବରେ ପଇଡ ପାଣି ପିଇବା ଉଚିତ୍। ମହିଳାମାନେ ଗର୍ଭାବସ୍ଥାରେ ପ୍ରାୟତ ଥକ୍କାପଣ ଅନୁଭବ କରନ୍ତି। ତେଣୁ ଏଥିପାଇଁ ସକାଳେ ପଇଡ ପାଣି ପିଇବା ଉଚିତ୍ । ଏହା ଶରୀରକୁ ଶକ୍ତି ଆଣିଥାଏ ଏବଂ ଥକାପଣ ଦୂର କରିଥାଏ ।
ପ୍ରତିରୋଧକ ଶକ୍ତିକୁ ଶକ୍ତିଶାଳୀ କରେ- ଗର୍ଭାବସ୍ଥାରେ ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇଯାଏ। ଏହି କ୍ଷେତ୍ରରେ, ସଂକ୍ରମଣ ହେବାର ଆଶଙ୍କା ବଢିଥାଏ। ପଇଡ ପାଣି ପିଇବା ଦ୍ୱାରା ଆପଣ ଏହି ସଂକ୍ରମଣରୁ ରକ୍ଷା ପାଇପାରିବେ ଏବଂ ଏହା ଆପଣଙ୍କ ରୋଗ ପ୍ରତିରୋଧକ ଶକ୍ତି ବ ବଢିବାରେ ସାହାଯ୍ୟ କରେ।
ଶିଶୁର ବିକାଶରେ ସାହାଯ୍ୟ- ଗର୍ଭାବସ୍ଥାର ଶିଶୁ ଶୀଘ୍ର ବିକାଶ କରିବାରେ ପଇଡ ପାଣିର ଖୁବ୍ ଲାଭଦାୟକ ଅଟେ । ଏହି ପୁଷ୍ଟିକର ଖାଦ୍ୟ ମାଆ ଶରୀରରେ ପହଞ୍ଚେ ଯାହା ଶିଶୁର ବିକାଶରେ ସାହାଯ୍ୟ କରେ । ନଡ଼ିଆ ପାଣି ପିଇବା ଶିଶୁର ସଠିକ୍ ବିକାଶ ହୋଇଥାଏ।
ଅମ୍ଳତା ଦୂର କରନ୍ତୁ- ଗର୍ଭାବସ୍ଥାରେ ମହିଳାମାନଙ୍କର ଅମ୍ଳତା ସମସ୍ୟା ହୋଇଥାଏ । ବାନ୍ତି ମଧ୍ୟ ହୋଇଥାଏ । ଏପରି ପରିସ୍ଥିତିରେ, ଯଦି ଆପଣ ପ୍ରତିଦିନ ସକାଳେ ଉଠନ୍ତି ଏବଂ ପଇଡ ପାଣି ପିଅନ୍ତି, ତେବେ ଏହି ସମସ୍ୟାରୁ ମୁକ୍ତି ପାଇବେ । ପଇଡ ପାଣି ପେଟକୁ ଥଣ୍ଡା ରଖିବା ସହ କିଡନୀକୁ ସୁସ୍ଥ ରଖେ । ପଇଡ ପାଣି ପିଇବା ଦ୍ୱାରା ଡିହାଇଡ୍ରେସନ୍ ସମସ୍ୟା ମଧ୍ୟ କମିଯାଏ ।