୧୯ ହଜାର ଛୁଇଁବ ଆକ୍ରାନ୍ତଙ୍କ ସଂଖ୍ୟା, ୬୦୦ ଟପିଲା ମୃତ୍ୟୁ ସଂଖ୍ୟା
ସାରା ଦେଶରେ କୋଭିଡ୍-୧୯ ଭୂତାଣୁରେ ଆକ୍ରାନ୍ତ ଓ ମୃତକଙ୍କ ସଂଖ୍ୟା କ୍ରମାଗତ ଭାବେ ବଢ଼ିବାରେ ଲାଗିଛି। ଏବେ କରୋନା ମୃତ୍ୟୁସଂଖ୍ୟା ୬୦୦ର ଟପି ୬୦୩ରେ ପହଞ୍ଚି ସାରିଲାଣି। କେବଳ ଗତକାଲିଠାରୁ ଏଯାଏ ୪୪ ଜଣଙ୍କର ମୃତ୍ୟୁ ହୋଇସାରିଛି। ଅନ୍ୟପକ୍ଷରେ ଆକ୍ରାନ୍ତଙ୍କ ସଂଖ୍ୟା ମଧ୍ୟ ୧୮ ହଜାର ପାର କରି ୧୯ ହଜାର ମାର୍କର ଅତି ପାଖରେ ପହଞ୍ଚିସାରିଛି।ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ଦିଆଯାଇଥିବା ସୂଚନା ଅନୁଯାୟୀ, ବର୍ତ୍ତମାନ କରୋନା ଭାଇରସ୍ରେ ଆକ୍ରାନ୍ତଙ୍କ ସଂଖ୍ୟା ୧୮,୯୮୫ ରହିଛି। ଏମାନଙ୍କ ମଧ୍ୟରୁ ୩୨୫୯ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ଏବଂ ଜଣେ ବିଦେଶ ଫେରିଯାଇଛନ୍ତି। ଅର୍ଥାତ ଦେଶରେ ଆକ୍ଟିଭ କେସ୍ ସଂଖ୍ୟା ୧୫,୧୧୨ ରହିଛି।
ଦୁଇ ଦିନ ପାଇଁ ରାପିଡ୍ ଆଣ୍ଟିବଡି ପରୀକ୍ଷା ନକରିବାକୁ ସମସ୍ତ ରାଜ୍ୟଙ୍କୁ କୁହାଯାଇଛି। ଆଇସିଏମ୍ଆର ପକ୍ଷରୁ ଏପରି ନିର୍ଦ୍ଦେଶ ଦେଇ କୁହାଯାଇଛି ତ୍ରୁଟିପୂର୍ଣ୍ଣ ରାପିଡ୍ ଟଷ୍ଟ କିଟ୍ ନେଇ ତ୍ରୁଟି ତଦନ୍ତ କରାଯିବ ଏବଂ ନିଶ୍ଚିତ ଭାବରେ ଏହି ତ୍ରୁଟିକୁ ଅଣଦେଖା କରାଯିବ ନାହିଁ। ହଟ-ସ୍ପଟ୍ ଅଞ୍ଚଳ ବା ବହୁ ସଂଖ୍ୟକ ଆକ୍ରାନ୍ତ ରହୁଥିବା ଅଞ୍ଚଳରେ ରହୁଥିବା ପ୍ରତ୍ୟେକ ବାସିନ୍ଦାଙ୍କର ପରୀକ୍ଷା କରିବାକୁ ଆଇସିଏମ୍ଆରର ପରାମର୍ଶ ପରେ ଏହି କିଟ୍ କିଣାଯାଇଥିଲା।