ସ୍ବାମୀ ଚାପୁଡ଼ାରେ ସ୍ତ୍ରୀର ମୃତ୍ୟୁ

ଢେଙ୍କାନାଳ : ସ୍ବାମୀ ଚାପୁଡ଼ାରେ ସ୍ତ୍ରୀର ମୃତ୍ୟୁ । ଏଭଳି ଅଭାବନୀୟ ଘଟଣା ଘଟିଛି ଢେଙ୍କାନାଳ ଗଁନ୍ଦିଆ ଥାନା ଅନ୍ତର୍ଗତ ଷଢ଼ଙ୍ଗୀ ଗ୍ରାମର ଧନିଆନାଳି ମୁଣ୍ଡା ସାହିରେ  । ଗତକାଲି ବିଳମ୍ବିତ ରାତିରେ ଚିକେନ ତରକାରୀକୁ ନେଇ ସ୍ୱାମୀ ଜେନା ପିଙ୍ଗୁଆ ଓ ସ୍ତ୍ରୀ କୁନି ପିଙ୍ଗୁଆଙ୍କ ମଧ୍ୟରେ ଝଗଡା ହୋଇଥିଲା ।  ଚିକେନ ତରକାରୀ କରିବା ପାଇଁ ଜେନା ପିଙ୍ଗୁଆ ଘରେ ଟଙ୍କା ଦେଇଯାଇଥିଲେ ।  କିନ୍ତୁ କୁନି ପିଙ୍ଗୁଆ ଚିକେନ ତରକାରୀ କରିନଥିଲେ ।  ଏଥିରେ ଜେନା ପିଙ୍ଗୁଆ ରାଗି ଯାଇ ସ୍ତ୍ରୀଙ୍କୁ ଏକ ଶକ୍ତ ଚାପୁଡା ମାରିଥିଲେ । ଘଟଣା ସ୍ଥଳରେ କୁନିଙ୍କର ମୃତ୍ଯୁ ଘଟିଥିଲା । ଖବର ପାଇ ଗଁନ୍ଦିଆ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଅଭିଯୁକ୍ତ ସ୍ଵାମୀ ଜେନା ପିଙ୍ଗୁଆକୁ ଗିରଫ କରି ତଦନ୍ତ ଜାରି ରଖିଛି ପୋଲିସ ।