ଦୁଇଦିନିଆ କନ୍ଧମାଳ, ବଲାଙ୍ଗୀର ଓ କଳାହାଣ୍ଡି ଗସ୍ତରେ କିଟ୍, କିସ୍ ଓ କିମସ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ

ଦୁଇଦିନିଆ କନ୍ଧମାଳ, ବଲାଙ୍ଗୀର ଓ କଳାହାଣ୍ଡି ଗସ୍ତରେ କିଟ୍, କିସ୍ ଓ କିମସ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ।  ଆଜି କଳାହାଣ୍ଡି ଜିଲ୍ଲା ଭବାନୀପାଟଣା ବାଦିଲିସ୍ଥିତ କଳାହାଣ୍ଡି କିସ କ୍ୟାମ୍ପସ ପରିଦର୍ଶନ କରିଥିଲେ ଡ. ସାମନ୍ତ । ଏହି ଅବସରରେ କିସ କଳାହାଣ୍ଡିରେ ଅଧ୍ୟୟନରତ ୧୨ ଶହ ଛାତ୍ରୀଙ୍କ ସହ ଡ. ସାମନ୍ତ ଦୀର୍ଘ ସମୟ ଆଲୋଚନା କରିଥିଲେ ।

ସେମାନଙ୍କ ସମ୍ପର୍କରେ ପଚାରି ବୁଝିଥିଲେ । ପାଠପଢା ସହ ସେମାନଙ୍କ ଖେଳ ଓ ଧନ୍ଦାମୂଳକ ଶିକ୍ଷା ଆଦି ବିଷୟରେ ପଚାରି ବୁଝିଥିଲେ । ଡ. ସାମନ୍ତ ଭୁବନେଶ୍ବରରୁ ନିଜ ସହ ନେଇଥିବା ସେଓ ଫଳ ଛାତ୍ରୀଙ୍କୁ ବଣ୍ଟନ କରିଥିଲେ । ପରେ କିସ କଳାହାଣ୍ଡିର ଶିକ୍ଷକ ଓ ଅଣଶିକ୍ଷକ କର୍ମଚାରୀଙ୍କ ସହ ବିଦ୍ୟାଳୟ ପରିଚାଳନା ଓ ଶିକ୍ଷାଦାନ ବିଷୟରେ ଆଲୋଚନା କରିଥିଲେ ।  ପ୍ରତିଷ୍ଠାତାଙ୍କୁ ଅତି ନିକଟରେ ପାଇ ଛାତ୍ରୀ ଓ ସମସ୍ତ ଶିକ୍ଷକ ଓ ଅଣଶିକ୍ଷକ କର୍ମଚାରୀମାନେ ବେଶ ଉତ୍ସାହିତ ହୋଇପଡ଼ିଥିଲେ ।