ଫିଲିପାଇନ୍ସରେ ଭୂକମ୍ପର ଝଟକା, ୭.୩ ତୀବ୍ରତାରେ କମ୍ପନ ଅନୁଭୂତ

ଫିଲିପାଇନ୍ସ ୨୭/୭ : ଭୂମିକମ୍ପରେ ଥରିଲା ଫିଲିପାଇନ୍ସ । ଆଜି ସକାଳୁ ଫିଲିପାଇନ୍ସରେ ଭୂକମ୍ପର ତୀବ୍ର ଝଟକା ଆଜି ଅନୁଭୂତ ହୋଇଛି । ଏହାର କେନ୍ଦ୍ରସ୍ଥଳ ଫିଲିପାଇନ୍ସର ଦକ୍ଷିଣ-ପୂର୍ବରେ ୧୪ କିଲୋମିଟର ଦୂରରେ ଥିବା ଡୋଲୋରେସରେ ସୃଷ୍ଟି ହୋଇଛି । ମାନିଲାରେ ୩୦୦ କିଲୋମିଟରରୁ ଅଧିକ ଦୂର ଯାଏଁ ଏହି କମ୍ପନ ଅନୁଭୂତ ହୋଇଥିଲା । ଆମେରିକାର ଭୂତାତ୍ତ୍ୱିକ ସର୍ବେକ୍ଷଣ କହିଛି ଯେ କମ୍ପନର ମାତ୍ରା ଏତେ ତୀବ୍ର ଥିଲା ଯେ, ଆଖ ପାଖରେ ଥିବା କୋଠାଗୁଡ଼ିକର ଝରକା ଭାଙ୍ଗିଯାଇଛି । ତେବେ ଏପର୍ଯ୍ୟନ୍ତ ଭୂକମ୍ପରେ କୌଣସି କ୍ଷୟକ୍ଷତି ହୋଇନଥିବା ସୂଚନା ଏଯାଏଁ ମିଳିନି । ଆମେରିକାର ଭୂତାତ୍ତ୍ୱିକ ସର୍ବେକ୍ଷଣର ତଥ୍ୟ ମୁତାବକ, ଲୁଜୋନର ମୁଖ୍ୟ ଦ୍ୱୀପରେ ପାର୍ବତ୍ୟ ଏବଂ ହାଲୁକା ଜନବହୁଳ ପ୍ରଦେଶ ଆବ୍ରାରେ ସକାଳ ୮:୪୩ (୦୦୪୩ ଜିଏମଟି) ସମୟରେ ଏହି କମ୍ପନ ଅନୁଭୂତ ହୋଇଥିଲା । ପ୍ରାରମ୍ଭରେ, ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୬.୮ ରେ ମାପ କରାଯାଇଥିଲା । କିନ୍ତୁ କିଛି ସମୟ ପରେ ଏହାର ତୀବ୍ରତା ୭.୧ ଥିଲା ।