ସାର୍ବଜନୀନ ହେବ ପଞ୍ଚାୟତ ପ୍ରାର୍ଥୀଙ୍କ ସତ୍ୟପାଠ

ପ୍ରଥମ ଥର ପାଇଁ ପଞ୍ଚାୟତ ନିର୍ବାଚନରେ ପ୍ରାର୍ଥୀ ଦାଖଲ କରିବେ ସତ୍ୟପାଠ । ଏହାସହ ପ୍ରାର୍ଥୀ ଦାଖଲ କରିଥିବା ସତ୍ୟପାଠ ସର୍ବଜନୀନ ମଧ୍ୟ କରାଯିବ । ତ୍ରିସ୍ତରୀୟ ନିର୍ବାଚନରେ ପ୍ରାର୍ଥୀଙ୍କ ସତ୍ୟପାଠ ବାବଦରେ ଜିଲ୍ଲାପାଳଙ୍କୁ ରାଜ୍ୟ ନିର୍ବାଚନ ଆୟୋଗ ଚିଠି ଲେଖି ଏମିତି କହିଛନ୍ତି । ପ୍ରାର୍ଥୀଙ୍କ ଅପରାଧିକ ମାମଲା, ସମ୍ପତ୍ତି ବିବରଣୀ ଏବଂ ଶିକ୍ଷାଗତ ଯୋଗ୍ୟତା ସମ୍ପର୍କିତ ସତ୍ୟପାଠ ନୋଟିସ ବୋର୍ଡ ସହ ଜିଲ୍ଲା ପ୍ରଶାସନର ୱେବ ସାଇଟରେ ରହିବ । ନାମାଙ୍କନପତ୍ର ଦାଖଲ ଦିନଠାରୁ ନିର୍ବାଚନ ଫଳ ବାହାରିବା ପର୍ଯ୍ୟନ୍ତ ପବ୍ଲିକ ଡୋମେନରେ ରହିବ ସତ୍ୟପାଠ ।