ଆଜିଠୁ ଫୁଟବଲ୍ ମହାକୁମ୍ଭ
ନୂଆଦିଲ୍ଲୀ: ଆଜିଠୁ ଫୁଟବଲ୍ ମହାକୁମ୍ଭ, ଉତ୍କଣ୍ଠାରେ ବିଶ୍ବର ଫୁଟବଲପ୍ରେମୀ। କାତାରରେ ଆରମ୍ଭ ହେବାକୁ ଯାଉଛି ଫିଫା ଓ୍ବାର୍ଲ୍ଡକପ। ଉଦଘାଟନୀ ମ୍ୟାଚରେ ମୁହାଁମୁହିଁ ହେବ କାତାର-ଇକ୍ବେଡର। 32 ଦଳକୁ ନେଇ 5 ସହରର 8ଷ୍ଟାଡିୟମରେ ଖେଳାଯିବ 64ଟି ମ୍ୟାଚ। ମ୍ୟାଚ ପୂର୍ବରୁ ବିରାଟ ରଙ୍ଗାରଙ୍ଗ୍ କାର୍ଯ୍ୟକ୍ରମର ଆୟୋଜନ କରାଯାଇଛି। ଭାରତୀୟ ସମୟ ସଂଧ୍ୟା 7.30ରେ କାତାରର ଅଲ୍ ବାୟାତ ଷ୍ଟାଡିୟମରେ ଉଦଘାଟନୀ ଉତ୍ସବ ଆରମ୍ଭ ହେବ।
ପରେ ଉଦଘାଟନୀ ମ୍ୟାଚରେ ଘରୋଇ କାତାର ଏବଂ ଇକ୍ବେଡର ମଧ୍ୟରେ ଲଢେଇ ଆରମ୍ଭ ହେବ। ତେବେ ଚଳିତ ଥର ପୁଟବଲପ୍ରେମୀ ଇଟାଲୀ ଟିମର ଅନୁପସ୍ଥିତିକୁ ଅନୁଭବ କରିବେ। ପୂର୍ବଥର ପରି ଚଳିତ ଥର ବି ଇଟାଲୀ ଫିଫା ଓ୍ବାର୍ଲ୍ଡକପ ପାଇଁ ଯୋଗ୍ୟତା ହାସଲ କରିପାରି ନାହିଁ। ଅନ୍ୟମାନଙ୍କ ମଧ୍ୟରେ 5ଥରର ଚମ୍ପିୟାନ ବ୍ରାଜିଲ, ପର୍ତ୍ତୁଗାଲ, ଆର୍ଜେଣ୍ଟିନା ଏବଂ ସ୍ପେନ ମଧ୍ୟରେ ଘମାଘୋଟ ଟାଇଟଲ୍ ଲଢେଇର ମଜା ଉଠାଇବେ ଫୁଟବଲ ପ୍ରେମୀ।