ଟ୍ୱିଟରରେ ଟ୍ରେଣ୍ଡ କଲା #BoycottShahRukhKhan

ପୁଣି ସୋସିଆଲ ମିଡିଆ ୟୁଜର୍ସଙ୍କ ଆକ୍ରୋସର ଶିକାର ହୋଇଛନ୍ତି ବଲିଉଡର ସୁପରଷ୍ଟାର ଶାହାରୁଖ ଖାନ। ଗୁରୁବାର ସକାଳେ ଟ୍ୱିଟରରେ #BoycottShahRukhKhan ଟ୍ରେଣ୍ଡ କରୁଛି। ୟୁଜର୍ସ କିଙ୍ଗ ଖାନଙ୍କ ଆଗାମୀ ଫିଲ୍ମ ପଠାନକୁ ମଧ୍ୟ ବୟକଟ କରିବାକୁ ଆହ୍ୱାନ ଦେଇଛନ୍ତି। ଟ୍ୱିଟରରେ ପ୍ରାୟତଃ ସମୟରେ କୌଣସି ନା କୌଣସି ବ୍ୟକ୍ତି ବିଶେଷଙ୍କ Boycott ନେଇ ଟ୍ୱିଟରରେ ଟ୍ରେଣ୍ଡିଂ ଚାଲିଥାଏ। ଗତମାସରେ Boycott Salman Khan ଟ୍ରେଣ୍ଡ କରୁଥିଲା। ବଲିଉଡରେ ଭାଇଜାନଙ୍କ ୩୩ ବର୍ଷ ପୂର୍ତ୍ତି ଅବସରରେ ୟୁଜର୍ସ ଏହି ଟ୍ରେଣ୍ଡ ଚଳାଇଥିଲେ। ଆଉ ଏବେ ସୁପରଷ୍ଟାର ଶାହାରୁଖ ଖାନ ୟୁଜର୍ସଙ୍କ ଆକ୍ରୋସର ଶିକାର ହୋଇଛନ୍ତି। ଗୁରୁବାର ସକାଳ ୧୦ଟା ସୁଦ୍ଧା #BoycottShahRukhKhan ଲେଖି ୨୦ ହଜାରରୁ ଊର୍ଦ୍ଧ୍ୱ ଟ୍ୱିଟ ହୋଇଥିଲା। ଏହି ହ୍ୟାସଟ୍ୟାଗ କିଛିଘଣ୍ଟା ମଧ୍ୟରେ ଟ୍ରେଣ୍ଡିଂର ଟପ୍-୧ ସ୍ଥାନକୁ ପହଞ୍ଚିଥିଲା। ୟୁଜର୍ସ ଷାହାରୁଖଙ୍କୁ ଦେଶଦ୍ରୋହି ବୋଲି କହିବା ସହ ଆଫଗାନିସ୍ତାନ ପଠାଇବାକୁ ଦାବି କରୁଛନ୍ତି। ଏପରି କି ଅନେକ ତାଙ୍କର ମିମସ୍ ସେୟାର କରିବା ସହ ଫିଲ୍ମକୁ ବି Boycott କରିବାକୁ କହୁଛନ୍ତି।