ଜି୨୦ ଅତିଥିମାନଙ୍କୁ ରାଜକୀୟ ସେବା…ରୁପା ବାସନରେ ପରସାଯିବ ଖାଦ୍ୟ; ଗଢ଼ିଛନ୍ତି ୨୦୦ କାରିଗର
ଦିଲ୍ଲୀରେ ଜି୨୦ ଶିଖର ସମ୍ମିଳନୀ ପାଇଁ ପ୍ରସ୍ତୁତି ଜୋର୍ଦାର ଚାଲିଛି। ବର୍ତ୍ତମାନ ସାରା ବିଶ୍ୱର ନଜର ଭାରତ ଉପରେ ରହିଛି। ଅତିଥିମାନଙ୍କୁ ସ୍ୱାଗତ କରିବା ପାଇଁ ସ୍ୱତନ୍ତ୍ର ପ୍ରସ୍ତୁତି କରାଯାଇଛି। ଏଥିରେ ଅତିଥିମାନଙ୍କ ରହଣିଠାରୁ ଆରମ୍ଭ କରି ବିଭିନ୍ନ ପ୍ରକାର ବ୍ୟଞ୍ଜନ ପରସାଯିବା ପର୍ଯ୍ୟନ୍ତ, ପ୍ରତ୍ୟେକ ଜିନିଷ ଉପରେ ଧ୍ୟାନ ଦିଆଯାଉଛି।
ଖାଦ୍ୟ ପରସିବାର ଶୈଳୀ ମଧ୍ୟ ସ୍ୱତନ୍ତ୍ର ରହିବ, ଯେପରି ଅତିଥିମାନେ କେବେ ବି ଏହାକୁ ଭୁଲି ପାରିବେ ନାହିଁ। ସମସ୍ତ ଖାସ୍ ଅତିଥିମାନଙ୍କୁ ରୁପା ବାସନରେ ଖାଦ୍ୟ ପରସାଯିବ। ନିଜର ଖାଦ୍ୟ ପରସିବାର ଶୈଳୀରେ ମଧ୍ୟ ଭାରତ ଏହାର ସଂସ୍କୃତି ଏବଂ ଐତିହ୍ୟର ଝଲକ୍ ଦେଖାଇବ। ଗୋଟିଏ ଗୋଟିଏ ବାସନ ତିଆରି କରିବା ଉପରେ ବିଶେଷ ଧ୍ୟାନ ଦିଆଯାଇଛି। ପ୍ରତ୍ୟେକ ଡିଜାଇନ ପଛରେ ନିଜସ୍ୱ ସ୍ୱତନ୍ତ୍ର ଭାବନା ରହିଛି, ଯେଉଁଥିରେ ଅତିଥିମାନେ ଭାରତୀୟତାର ଝଲକ ଦେଖିବାକୁ ପାଇବେ। ୨୦୦ କାରିଗର କଠିନ ପରିଶ୍ରମ କରି ଏହି ବାସନଗୁଡ଼ିକ ତିଆରି କରିଛନ୍ତି। କର୍ଣ୍ଣାଟକ, ପଶ୍ଚିମବଙ୍ଗ, ଉତ୍ତର ପ୍ରଦେଶ, ଜୟପୁର ଏବଂ ଉତ୍ତରାଖଣ୍ଡ ଭଳି ବିଭିନ୍ନ ରାଜ୍ୟର କାରିଗରମାନେ ଏହି କାର୍ଯ୍ୟ କରିଛନ୍ତି। ବାସନଗୁଡ଼ିକର ସେଟ୍କୁ ଫ୍ୟୁଜନ୍ ଏଲିଗାନ୍ସର ଥିମ୍ ଉପରେ ଡିଜାଇନ୍ କରାଯାଇଛି।
ଏହିପରି ସ୍ୱତନ୍ତ୍ର ପ୍ରକାରର ଡିନର ସେଟ୍ ମଧ୍ୟ ପ୍ରସ୍ତୁତ କରାଯାଇଛି। ଖାସ୍ କଥା ହେଉଛି, ଲୁଣ ପାତ୍ର ଅର୍ଥାତ୍ ସଲ୍ଟ ଟ୍ରେରେ ଅଶୋକ ଚକ୍ରର ଚିତ୍ର କରାଯାଇଛି। ପ୍ରତ୍ୟେକ ବାସନକୁ ରାଜକୀୟ ଲୁକ୍ ଦିଆଯାଇଛି।