୪୮୭ ମିଲିୟନ ହ୍ୱାଟ୍ସ ଆପ ୟୁଜର୍ସଙ୍କ ଡାଟା ଲିକ୍, ଅନଲାଇନରେ ବିକ୍ରି କରୁଛନ୍ତି ହ୍ୟାକର

ନୂଆଦିଲ୍ଲୀ: ଲୋକପ୍ରିୟ ମେସେଜିଂ ପ୍ଲାଟଫର୍ମ ୱାଟ୍ସ ଆପର ୪୮୭ ମିଲିୟନ ୟୁଜର୍ସଙ୍କ ଡାଟା ଚୋରି ହୋଇଛି । ୱାଟ୍ସ ଆପ ୟୁଜର୍ସଙ୍କ ଫୋନ ନମ୍ୱର ବିକ୍ରି କରାଯାଉଛି । ଏଥିରେ ଭାରତ, ଆମେରିକା, ସାଉଦି ଆରବ, ମିଶର ସହ ୮୪ ଦେଶର ୟୁଜର୍ସ ସାମିଲ ଅଛନ୍ତି । ହ୍ୟାକରମାନେ ଅନଲାଇନରେ ଡାଟାକୁ ବିକ୍ରି କରିବାକୁ ପ୍ରୟାସ କରୁଛନ୍ତି । ଏହି ସୂଚନାଗୁଡିକୁ ଫିଶିଙ୍ଗ ଅଟେକ୍ସରେ ବ୍ୟବହାର କରାଯାଏ । ଦାବି କରାଯାଉଛି ଯେଉଁ ୟୁଜର୍ସଙ୍କ ଡାଟା ଚୋରି କରାଯାଇଛି, ସେଥିରେ ସବୁଠୁ ଅଧିକ ମିଶରର ରହିଛି । ଏହା ପଛକୁ ଇଟାଲୀ, ଆମେରିକା, ସାଉଦି ଆରବ, ଫ୍ରାନ୍ସ, ତୁର୍କୀ ଏବଂ ଭାରତ ସମେତ ଅନ୍ୟ ଦେଶର ୟୁଜର୍ସ ଅଛନ୍ତି ।

ସାରା ଦୁନିଆରେ ଦୁଇ ବିଲିୟନରୁ ଅଧିକ ୟୁଜର୍ସ ଅଛନ୍ତି । ବଡ଼ ସଂଖ୍ୟାରେ ୟୁଜର୍ସଙ୍କ ଡାଟା ଚୋରି ହେବା ବଡ଼ ପ୍ରଶ୍ନ ଠିଆ କରିଛି । ସଭିଙ୍କ ଚିନ୍ତା ହେବା ମଧ୍ୟ ସ୍ୱଭାବିକ । ତେବେ ଏହା ପ୍ରଥମ ଥର ନୁହେଁ, ଯେତେବେଳେ ୱାଟ୍ସ ଆପର ପେରେଣ୍ଟ କମ୍ପାନି ମେଟାରୁ ଡାଟା ଚୋରି ଖବର ଆସିଛି । ଏହା ପୂର୍ବରୁ ମଧ୍ୟ ଜଣେ ହ୍ୟାକର ଦାବି କରିଥିଲେ ଯେ ତାଙ୍କ ପାଖରେ ୫୦ କୋଟିରୁ ଅଧିକ ଫେସବୁକ ୟୁଜର୍ସଙ୍କ ସୂଚନା ରହିଛି । ଏଥିରେ ଫୋନ ନମ୍ୱର ଏବଂ ଅନ୍ୟ ସୂଚନା ରହିଛି।

ରିପୋର୍ଟ ଅନୁସାରେ ଏହି ଡାଟାକୁ ଡାର୍କ ୱେବରେ ବିକ୍ରି କରାଯାଉଛି । କାରଣ ୱାଟ୍ସ ଆପର ଏକ ବଡ଼ ୟୁଜରବେସ ଭାରତରେ ରହିଛି । ସାଇବର ନ୍ୟୁଜର ରିପୋର୍ଟ ଅନୁସାରେ, ଆମେରିକାର ପ୍ରାୟ ୩୨ ମିଲିୟନ ୟୁଜର୍ସଙ୍କ ନମ୍ୱର ରହିଛି । ଏହାର ମୂଲ୍ୟ ପ୍ରାୟ ୫,୭୦,୦୦୦ ଟଙ୍କା ରଖାଯାଇଛି । ସେହିପରି ମିଶରର ୪୫ ମିଲିୟନ ଏବଂ ଇଟାଲୀର ୩୨ ମିଲିୟନ ୟୁଜର୍ସ ଅଛନ୍ତି ।

ଏହା ପୂର୍ବରୁ ଚଳିତ ବର୍ଷ ଆରମ୍ଭରେ ୫.୪ ମିଲିୟନ ଟ୍ୱିଟର ୟୁଜର୍ସଙ୍କ ଡାଟା ମଧ୍ୟ ଅନଲାଇନରେ ବିକ୍ରି ପାଇଁ ହ୍ୟାକରମାନେ ଛାଡିଥିଲେ।